تړاو کاپي کاپي شو
مورينګه ونې لرګي، پاڼې، دانې او ريښې خوراک او درملو کې کارېږي، سوپر او معجزوي خوړو کې راځي. ښاغلى لېوال ووي ما خپلې لومړۍ قلمې٢٠ ورځې مخکې کېنولې له ٣ قلمو څخه يو شنه شوه خوشاله يم چې د نوي کال په لومړۍ ورځ يې درسره شريکوم. همدارنګه ١٤٠٠کال مو هېواد کې د مورينګه ونې دودولو کال وټاکه.
د نوى کال ډالۍ په ډول مو د نور رحمان لېوال بنسټ لخوا، د لېوال شرکت په پانګونه د مورينګه لارښود خپور چې د لېوال بنسټ ويبځاى کې يې لوستلاى شئ. مورينګه اورګانيک تخم ترلاسه کولو او ويشلو هڅه کې يو، هيله ده دا خبر درسره شريک او د نوي کال په خوشاليو کې د مورينګه ونې له ګټو نور خبر کړئ. مورينګه په اړه لا ډېرو مالوماتو لپاره د نور رحمان لېوال بنسټ ويبځاى وګورئ.
له ټولو مو هيله ده چې د مورينګه ونې دودولو په ډول واړه نوښتونه چې هېواد کې د بېوزلۍ لمنځه وړلو او روغتيا رامنځته کولو کې به ستره مرسته وکړي، له نړۍ څخه راوړلو په لټه کې شئ. لېوال بنسټ ددغو نوښتونو، راوړلو او عام کولو کې تاسې سره همکارى ته چمتو دى.
هيله ده ١٤٠٠ کال د سولې او سوکالۍ کال شي
نور رحمان لېوال بنسټ
١ ورى ١٤٠٠
#moringa
#moringa
تړاو کاپي کاپي شو
2020-03-04 20:00:00 لمريز 1399-00-24 20:00:00
د سولې هوکړې لاسليک د لوى څښتن بختور کړي، مناسبې غوښتنې او د هر لوري د وس سره سمې چارې ورکې ځاى پرځاى شوي، له طالبانو غوښتل شوى چې د متحده ايالاتو او د هغوى د ملګرو پر بډ يا خلاف به جګړه نه کوي، د هغوى له دښمنانو سره به ملګرتيا نه کوي او له خپلو هېوادوالو سره به په ګډه حکومت جوړوي، دا چاره د طالب پر وس پوره ده.
متحده ايالاتو ژمنه ښودلې چې له افغانستانه به خپل او د ملګرو پوځونه وباسي، د افغانستان په سياسي او کورنيو چارو کې به نور لاسوهنه نه کوي او د ملګروملتو د امنيت په شورا به هم مني چې په افغانستان کې سوله راشي، امريکا دا کولاى شي.
همدارنګه ورته هوکړه کې ارګ سره ژمنه ښودل شوې چې متحده ايالات به ورسره تلپاتې مرستې کوي او افغان ځواکونو سره به د ولسواکۍ د پياوړتيا لپاره تلپاتې همکاري کوي، خو ارګ به د ټولو افغانانو په خوښه د سوليزو خبرو اترو له لارې ولسواکه حکومت رامنځته کوي، له بدمرغه، پورتني هرڅه چې د ټولو افغانانو په ګټه دي، ارګ ورڅخه ناسم پوهاوى اخيستى، ځکه يې د هوکړې، ناندريز او ګواښمن شرت/شرط ته ګوتڅنډنه وکړه چې د طالب ترنامه لاندې ٥٠٠٠ يرغمل شوى افغانان چې ډېرى به اوس هم له امريکايانو سره د هغوى په ځانکړو زندانون کې بنديان وي دوى نه خوشي کوي، خو متحده ايالاتو يې د خوشې کولو ژمنه ښودلې. د يادونې وړ دى چې د طالب ترنامه لاندې حکومت سره تر ١٥٠٠٠٠ ډېر بنديان دي چې بهرنيان هم ورکې شته.
دا خورا مهمه ده چې ولس دغه ٥٠٠٠ مجبور افغانان چې د سياسي او جنګيالي طالب ترنامه لاندې امريکا او حکومت سره بنديان دي خبرشي او ١٠٠٠ نور خواران د سرتېري او حکومتي مامور ترنامه لاندې طالب سره بنديان دي ورسره د حکومت په خواخوږۍ پوهه شي. د دوى نه خوشې کول او له دغو سياسي او اقتصادي مجبورو څخه تخنيکي، امنيتي او جينايي مجرين جوړول د ارګ لپاره ساده خو په حقيقت کې د ځان او ولس سره نادوده او د جګړې جاري ساتلو په مانا دى. د دوى خوشي کول ٥٠٠٠ جنګيالي نه ډيروي بلکې ٤٢٠٠٠ نېغ او لکونه نور په لاندې دلايلو له جګړې راګرځوي:
١٣٩٨ ولسمشريزو ټاکنو کې د سولې او پرمختګ لپاره د لېوال ١٠ سترو کړنلارو څخه، شپږمه يې امنيت راوستل وو چې عمومي بښنه اعلانول، د اغواګرو پرځاى محاکمه کول او په غلو له سختو چارو ترسره کولو سره بند تېرولو، کړنې يې درلودې. د عمومي بښنې لاندې ټول بنديان بښل وو چې د ټاکنو په موده کې خبرسازه شوه. د بنديانو پرېښودلو په اړه موږ کلونه څېړنه کړې وه چې امنيت راوستلو کې مرسته کوي او ډېرول يې په ناامنۍ کې لوى لاس ځکه لري چې د هېواد شته عدلي سيستم د پسات/فساد، سياسي، قومي، ژبنيو، سيميزو او نور ډول ډول کورنيو او بهرنيو غچ اخيستلو انګيزو لاندې دى.
همدارنګه، د کورنيو او بهرنيو جنګسالارانو اغيزو او د هغوى د موخو لپاره خلک ځورول، رټل او يرغمل شوي چې له امله يې جرم کس يا فرد پورې محدود نه دى پاته شوى، بلکې د مجرم کورنۍ، خپلوان، انډيولان حتا خيل او قوم پورې هم په لوى لاس تړل شوى. هغه کسان چې ترشايې جرمي کړۍ وې هغه په لومړينو شيبو کې د سياست، جګړې او پيسو لپاره معامله شوي، که ترهغه اوښتي نو په عدلي سيستم کې په بډو او رشوت ورکولو يې کېداى شي بېګنا بديل په زندان کې شپې ورځې تېروي. سيستم کې د پورتنيو بېعدالتيو له امله ډېرۍ کسان په بند کې پاته دي چې د هريو ترشا يې کورنۍ، خپلوان او ان قوميان لا ځورول کېږي او دولت سره مخالفت ته هڅول کېږي.
هغوى چې په هېواد کې جګړه او بېعدالتيو کې خپل واک او ځواک ويني نو کله هم نه غواړي چې دغه شپږ زره بنديان خوشي کړي او پر بېځايه ډنډورو ولس تېرباسي چې دوى به بيا وسله واخلي، لومړى خو دا چې که دوى بيا وسله اخلي، څرګندوي چې په زندانونو کې عدالت، روزنه او بيارغاونه نشته. دويم لکه څنګه مو چې مخکې وويل دلته جرم کس محوره (فردي) نه دى نو که يوازې د بنديانو کورنيو غړي وشمېرو، شاوخوا ٤٢٠٠٠ کسان ددغو بنديانو له امله سره جنګېږي يا د جګړې د يو لوري ملاتړ کوي. که پردغه شمېره خپلوان، ملګري او قوميان وراچول شي نو په لکونو خلک ددغو بنديانو ترشا جنګېږي زموږ لپاره دغه جګړه بندول لومړيتوب وو او دي.
بله خورا مهمه دا چې د ٥٠٠٠ طالبانو په بدل کې١٠٠٠ سرتېرى او دولتي مامورين هم پرېښودل کېږي که ارګ سره د خپلو سرتېرو او مامورينو غم واى نو١٠٠٠ خو پرځاى پرېږده د ١٠٠ سرتېرو خوشې کولو لپاره به يې هم پنځه زره طالبانو خوشې کولو ته غاړه ايښې وه. خو مهمه داده چې د تړون په ترسره کولو متحده ايالات ژمن ښکاري، د تړون لپاره يې ځانکړې ويبپاڼه چې عکسونه، لاسليک او نالاسليک تړون له طالبانو او حکومت سره کړي په انګريزي ژبه خپاره کړي دلته يې وګورئ. د تړون پښتو او دري لاسليک او نالاسليک متونونه موږ له کومې کره سرچينې څخه پيدا نه کړل.
همدارنګه متحده ايالاتو څرګنده کړه چې د سولې تړون پټې برخې هم لري؟! د امريکا د بهرنيو چارو وزير مايک پمپيو له ان.سي.بي ټلويزيون سره په خپلو خبرو کې اشاره کړې او ويلي يې دي چې د طالبانو او امريکايانو ترمنځ شوى تړون سره دوه پټ ملونه دي چې د هغوی څرګندول د امريکايي ځواکونو امنيت له ګواښ سره مخ کوي نو ځکه هغه پټ ساتل شوي.
ددغو پټو ملونو په اړه نن اسيا ليکي: ويل کېږي چې په يادو ملونو کې په افغانستان کې د ميشتو امريکايي ځواکونو د شمېر، د هغوي ځايونه، د بيرته ايستلو څرنګوالی او مهالويش، پرهغو باندې د بيرته ايستلو پر مهال د طالبانو له لوري د تهاجمي بريدونو توقف، بالمقابل په ټول افغانستان کې د امريکايي بمبارونو توقف، د ډرون او شپنيو عملياتو نه کول او نور شامل دي چې دا ټول په مجموع کې په هيواد کې د اشغال پايته رسولو او جګړې د خاتمې لپاره لارې هواروي.
موږ په ټولو افغانانو غږ کوو چې نړيوالې بيالوژيکي ستونزو سره مخ دى، د کورونا وايرس اغيز ګورئ، نور جګړو لپاره د توپ، ټانګ، الوتکې او پوځوونو اړتيا کمه ليدل کېږي، هېڅوک ستاسې ملګرتيا نشي کولاى، ځانغوښتنو، ځواک او واک څخه تېر شئ، ټول ملت د يو وايرس د مخنيوي توان څه چې د پېژندلو لپاره وړتيا هم نلري. نړيوال نور تيار نه دي چې خپل بچې ستاسې لپاره ووژني، متحده ايالاتو خپل کار وکړ، د خپل بېځايه شتون پاى يې ومانه. ارګ هم خپل دريځ څرګند کړ چې په هر قميت واک ټينګول غواړي. ولس او پاتې افغانانو ته پکار ده چې خپلمنځي زغم څخه کار واخلو او سولې لپاره تابيا ونيسو په ځانګړي ډول د هغو افغانانو د ازمېښت وخت يوځل بيا راغى چې د تېرو څلورو لسيزو د ناخوالو برخه نه وو، راپاڅئ او د هېواد د چارو لپاره ملګري ښئ د ښکيلو ترمنځ منځګړي وکړي ترڅو ټول وژغول شو.
نور رحمان لېوال
١٣٩٨ ولسمشرۍ خپلواک نوماند
متحده ايالاتو ژمنه ښودلې چې له افغانستانه به خپل او د ملګرو پوځونه وباسي، د افغانستان په سياسي او کورنيو چارو کې به نور لاسوهنه نه کوي او د ملګروملتو د امنيت په شورا به هم مني چې په افغانستان کې سوله راشي، امريکا دا کولاى شي.
همدارنګه ورته هوکړه کې ارګ سره ژمنه ښودل شوې چې متحده ايالات به ورسره تلپاتې مرستې کوي او افغان ځواکونو سره به د ولسواکۍ د پياوړتيا لپاره تلپاتې همکاري کوي، خو ارګ به د ټولو افغانانو په خوښه د سوليزو خبرو اترو له لارې ولسواکه حکومت رامنځته کوي، له بدمرغه، پورتني هرڅه چې د ټولو افغانانو په ګټه دي، ارګ ورڅخه ناسم پوهاوى اخيستى، ځکه يې د هوکړې، ناندريز او ګواښمن شرت/شرط ته ګوتڅنډنه وکړه چې د طالب ترنامه لاندې ٥٠٠٠ يرغمل شوى افغانان چې ډېرى به اوس هم له امريکايانو سره د هغوى په ځانکړو زندانون کې بنديان وي دوى نه خوشي کوي، خو متحده ايالاتو يې د خوشې کولو ژمنه ښودلې. د يادونې وړ دى چې د طالب ترنامه لاندې حکومت سره تر ١٥٠٠٠٠ ډېر بنديان دي چې بهرنيان هم ورکې شته.
دا خورا مهمه ده چې ولس دغه ٥٠٠٠ مجبور افغانان چې د سياسي او جنګيالي طالب ترنامه لاندې امريکا او حکومت سره بنديان دي خبرشي او ١٠٠٠ نور خواران د سرتېري او حکومتي مامور ترنامه لاندې طالب سره بنديان دي ورسره د حکومت په خواخوږۍ پوهه شي. د دوى نه خوشې کول او له دغو سياسي او اقتصادي مجبورو څخه تخنيکي، امنيتي او جينايي مجرين جوړول د ارګ لپاره ساده خو په حقيقت کې د ځان او ولس سره نادوده او د جګړې جاري ساتلو په مانا دى. د دوى خوشي کول ٥٠٠٠ جنګيالي نه ډيروي بلکې ٤٢٠٠٠ نېغ او لکونه نور په لاندې دلايلو له جګړې راګرځوي:
١٣٩٨ ولسمشريزو ټاکنو کې د سولې او پرمختګ لپاره د لېوال ١٠ سترو کړنلارو څخه، شپږمه يې امنيت راوستل وو چې عمومي بښنه اعلانول، د اغواګرو پرځاى محاکمه کول او په غلو له سختو چارو ترسره کولو سره بند تېرولو، کړنې يې درلودې. د عمومي بښنې لاندې ټول بنديان بښل وو چې د ټاکنو په موده کې خبرسازه شوه. د بنديانو پرېښودلو په اړه موږ کلونه څېړنه کړې وه چې امنيت راوستلو کې مرسته کوي او ډېرول يې په ناامنۍ کې لوى لاس ځکه لري چې د هېواد شته عدلي سيستم د پسات/فساد، سياسي، قومي، ژبنيو، سيميزو او نور ډول ډول کورنيو او بهرنيو غچ اخيستلو انګيزو لاندې دى.
همدارنګه، د کورنيو او بهرنيو جنګسالارانو اغيزو او د هغوى د موخو لپاره خلک ځورول، رټل او يرغمل شوي چې له امله يې جرم کس يا فرد پورې محدود نه دى پاته شوى، بلکې د مجرم کورنۍ، خپلوان، انډيولان حتا خيل او قوم پورې هم په لوى لاس تړل شوى. هغه کسان چې ترشايې جرمي کړۍ وې هغه په لومړينو شيبو کې د سياست، جګړې او پيسو لپاره معامله شوي، که ترهغه اوښتي نو په عدلي سيستم کې په بډو او رشوت ورکولو يې کېداى شي بېګنا بديل په زندان کې شپې ورځې تېروي. سيستم کې د پورتنيو بېعدالتيو له امله ډېرۍ کسان په بند کې پاته دي چې د هريو ترشا يې کورنۍ، خپلوان او ان قوميان لا ځورول کېږي او دولت سره مخالفت ته هڅول کېږي.
هغوى چې په هېواد کې جګړه او بېعدالتيو کې خپل واک او ځواک ويني نو کله هم نه غواړي چې دغه شپږ زره بنديان خوشي کړي او پر بېځايه ډنډورو ولس تېرباسي چې دوى به بيا وسله واخلي، لومړى خو دا چې که دوى بيا وسله اخلي، څرګندوي چې په زندانونو کې عدالت، روزنه او بيارغاونه نشته. دويم لکه څنګه مو چې مخکې وويل دلته جرم کس محوره (فردي) نه دى نو که يوازې د بنديانو کورنيو غړي وشمېرو، شاوخوا ٤٢٠٠٠ کسان ددغو بنديانو له امله سره جنګېږي يا د جګړې د يو لوري ملاتړ کوي. که پردغه شمېره خپلوان، ملګري او قوميان وراچول شي نو په لکونو خلک ددغو بنديانو ترشا جنګېږي زموږ لپاره دغه جګړه بندول لومړيتوب وو او دي.
بله خورا مهمه دا چې د ٥٠٠٠ طالبانو په بدل کې١٠٠٠ سرتېرى او دولتي مامورين هم پرېښودل کېږي که ارګ سره د خپلو سرتېرو او مامورينو غم واى نو١٠٠٠ خو پرځاى پرېږده د ١٠٠ سرتېرو خوشې کولو لپاره به يې هم پنځه زره طالبانو خوشې کولو ته غاړه ايښې وه. خو مهمه داده چې د تړون په ترسره کولو متحده ايالات ژمن ښکاري، د تړون لپاره يې ځانکړې ويبپاڼه چې عکسونه، لاسليک او نالاسليک تړون له طالبانو او حکومت سره کړي په انګريزي ژبه خپاره کړي دلته يې وګورئ. د تړون پښتو او دري لاسليک او نالاسليک متونونه موږ له کومې کره سرچينې څخه پيدا نه کړل.
همدارنګه متحده ايالاتو څرګنده کړه چې د سولې تړون پټې برخې هم لري؟! د امريکا د بهرنيو چارو وزير مايک پمپيو له ان.سي.بي ټلويزيون سره په خپلو خبرو کې اشاره کړې او ويلي يې دي چې د طالبانو او امريکايانو ترمنځ شوى تړون سره دوه پټ ملونه دي چې د هغوی څرګندول د امريکايي ځواکونو امنيت له ګواښ سره مخ کوي نو ځکه هغه پټ ساتل شوي.
ددغو پټو ملونو په اړه نن اسيا ليکي: ويل کېږي چې په يادو ملونو کې په افغانستان کې د ميشتو امريکايي ځواکونو د شمېر، د هغوي ځايونه، د بيرته ايستلو څرنګوالی او مهالويش، پرهغو باندې د بيرته ايستلو پر مهال د طالبانو له لوري د تهاجمي بريدونو توقف، بالمقابل په ټول افغانستان کې د امريکايي بمبارونو توقف، د ډرون او شپنيو عملياتو نه کول او نور شامل دي چې دا ټول په مجموع کې په هيواد کې د اشغال پايته رسولو او جګړې د خاتمې لپاره لارې هواروي.
موږ په ټولو افغانانو غږ کوو چې نړيوالې بيالوژيکي ستونزو سره مخ دى، د کورونا وايرس اغيز ګورئ، نور جګړو لپاره د توپ، ټانګ، الوتکې او پوځوونو اړتيا کمه ليدل کېږي، هېڅوک ستاسې ملګرتيا نشي کولاى، ځانغوښتنو، ځواک او واک څخه تېر شئ، ټول ملت د يو وايرس د مخنيوي توان څه چې د پېژندلو لپاره وړتيا هم نلري. نړيوال نور تيار نه دي چې خپل بچې ستاسې لپاره ووژني، متحده ايالاتو خپل کار وکړ، د خپل بېځايه شتون پاى يې ومانه. ارګ هم خپل دريځ څرګند کړ چې په هر قميت واک ټينګول غواړي. ولس او پاتې افغانانو ته پکار ده چې خپلمنځي زغم څخه کار واخلو او سولې لپاره تابيا ونيسو په ځانګړي ډول د هغو افغانانو د ازمېښت وخت يوځل بيا راغى چې د تېرو څلورو لسيزو د ناخوالو برخه نه وو، راپاڅئ او د هېواد د چارو لپاره ملګري ښئ د ښکيلو ترمنځ منځګړي وکړي ترڅو ټول وژغول شو.
نور رحمان لېوال
١٣٩٨ ولسمشرۍ خپلواک نوماند
تړاو کاپي کاپي شو
2020-02-19 17:42:00 لمريز 1407-00-02 17:42:00
له انګريزي ښېکلاک څخه رانيولې ترننه د افغان ملت له ارادې پرته ډېرى حکومتونه تپلشوي، له بدمرغه اوس خو خبره ان دې ته رسيدلې چې شاوخوا٨٠٪ د بهرنيو خېښان او بهرني تابعيت لرونکي څوک چې پرته له خپلو ګټو افغاني ارزښتونو ته هېڅ درناوى نلري او ان د سپکاوي لپاره يې مټې رانغښتي، واک ته رسيدلي او د ميلياردونو لګښتونو پرمټ ډنډوره کوي چې نيکونه مو تېروتي وو چې د بهرنيو يرغلګرو پر بډ يا خلاف راپاڅېدلي وو، دوى ملي کسان کنځي، ګواښي او ځانتپلي تبعيد ته يې اړ کوي.
موږ په زغرده ټولو ته وايو چې پردي او دهغوى ګوډاګيان، يوازې د خپلوګټو تر بريده تاسې سره ملګرتيا کوي او تاسې هغوى ته هېڅ اهميت نه لرى.
تېرو څلورو لسيزو کې د تپلشويو سياسي سرکښانو او د هغوى د حکومتونو ناوړه او وژونکې پايلې چې لسهاو ميليونه افغانان يې شهيدان، معيوب، ټپيان، کډوال او لوږې سره مخ کړي او له بدمرغه د تپلشويو له امله دا ناوړه لړۍ لا روانه ده.
موږ خواشيني يو چې يرغلګر او د هغوى ملګري وتوانېدل چې يوځل بيا د افغان ملت له وينو او ټپونو ګټه پورته کړي او د ولسواکۍ ترنامه لاندې دروغجن او اختلافي بهيرونه پرمخ بوځي ترڅو په ترڅ کې يې هغه کسان يوځل بيا واک ته ورسوي چې تېر شل کاله يې ملت ځورولى، رټلى او هم يې په قوانينو او ارزښتونو لوبې کړي.
موږ له پتمن او ځورېدلې افغان ولس څخه بښنه غواړو چې له ډېرو سپېڅلو هڅو سره ونتوانېدو چې دغه حالت ژر مهارکړو، خو ناهيلي نه يو د ملت جوړونې، خپلواکۍ او ځانبسيانې لپاره خپله سپيڅلې مبارزه جاري ساتو او په داسې حالاتو کې موږ لپاره مهمه نه ده چې له ښکيلو څخه د پرديو پرمټ څوک واک ته رسېږي، موږ له ولس سره يو او يوځل بيا دوى ته ډاډ ورکوو چې د خپلې سپېڅلې سياسي، علمي او تخنيکي مبارزې هوډ مو لا پياوړى شوى او پرمخ بولو لپاره يې په ملت د ملګرتيا غږ کوو چې ملت د خپل حق او راتلونکي لپاره موږ سره ګډه هڅه وکړي ترڅو تپلشوي او د هغوى حکومتونه لاندې چارو ته مجبور کړو:
لومړى: د ١٣٩٨ بدمرغه ټاکنو په پايله کې تپلشوى حکومت پرېنږدئ چې له بهرنيو پورونه واخلي، که مو پرېښود، افغانستان به په غيرمستقيم ډول خرڅ کړي چې بيا ترڅو دا نړۍ اباده وي تاسې به د هېواد او خپلې ارادې څښتنان نشئ، حکومت چې کومې بهرنۍ مرستې ترلاسه کوي، د پرانستې حکومتولۍ پر بنسټ بايد د هغو لګښتونه ملت سره ګام پر ګام شريک کړي.
دويم: په هېواد کې روانې جګړې ته چې بهرني مرسته کوي بايد د پرانيستي حکومتولۍ پر بنسټونو د جګړې لپاره د وسلو او مهماتو برابرولو او لګښت کولو بهير له پيل تر پايه پرانيستى او حکومت يې ملت ته په حساب ورکولو مجبور کړل شي، نور محرميت مه منئ، يوازې افغان ولس ناخبره ساتل کېږي، زموږ له دوستانو او دښمانانو هېڅ پټ ندي، دا کړنه به جګړه سسته او سولې ته لار پرانيځي.
دريم: ارګ کې د ملى تدارکاتو اداره چې له خورا ډېرو برخو څخه يې يوازې تپلشوي برخمن کېږي او مرکزيت يې د ملت بېخ وباسي، بايد دغه اداره د ټولو ملي تدارکاتو بهير له اړتياو نيولې تر تړون تر پايه پورې ملت ته د ګام پرګام مالوماتو شريکولو او له درغليو د مخنيوى چارو ته ځانکړى شي، تړونونه ورکول بايد ددغې ادارى له واک څخه وايستل شي. ټولې اړوند دولتي ادارې د اړتيا سره سم بايد د خپلو تدارکاتو واک ولري ترڅو مجازاتو او مکافاتو ته لار پرانيستل شي، دا به ملت له پسات (فساد) او د بهرنيو له دام څخه خلاص کړي، ټولواک ارګ ته ورکول د پسات جړ دى.
څلورم: ولايتي او نورې دولتي ادارې هم بايد پرانيستې حکومتولي خپله کړي او د خپلو ټولو لګښتونو تګ او راتګ راپورونه ورځ په ورځ له ملت سره شريک کړي.
موږ يوځل بيا ملت ته ډاډ ورکو چې د لوى څښتن راکړې تخنيکي او علمي وړتياوې به د دوى د هوساينې او پرمختګ لپاره نه سپمو او خپله مبارزه به جارى ساتو، په دعاګانو کې مو مه هيروئ، د يو هوسا، خپلواک، پرځانبسيا او خوشاله افغان ولس په هيله.
په درنښت د ملت خيرخوا او ملګرى
نوررحمان لېوال
د ١٣٩٨ ولسمشرۍ خپلواک نوماند
موږ په زغرده ټولو ته وايو چې پردي او دهغوى ګوډاګيان، يوازې د خپلوګټو تر بريده تاسې سره ملګرتيا کوي او تاسې هغوى ته هېڅ اهميت نه لرى.
تېرو څلورو لسيزو کې د تپلشويو سياسي سرکښانو او د هغوى د حکومتونو ناوړه او وژونکې پايلې چې لسهاو ميليونه افغانان يې شهيدان، معيوب، ټپيان، کډوال او لوږې سره مخ کړي او له بدمرغه د تپلشويو له امله دا ناوړه لړۍ لا روانه ده.
موږ خواشيني يو چې يرغلګر او د هغوى ملګري وتوانېدل چې يوځل بيا د افغان ملت له وينو او ټپونو ګټه پورته کړي او د ولسواکۍ ترنامه لاندې دروغجن او اختلافي بهيرونه پرمخ بوځي ترڅو په ترڅ کې يې هغه کسان يوځل بيا واک ته ورسوي چې تېر شل کاله يې ملت ځورولى، رټلى او هم يې په قوانينو او ارزښتونو لوبې کړي.
موږ له پتمن او ځورېدلې افغان ولس څخه بښنه غواړو چې له ډېرو سپېڅلو هڅو سره ونتوانېدو چې دغه حالت ژر مهارکړو، خو ناهيلي نه يو د ملت جوړونې، خپلواکۍ او ځانبسيانې لپاره خپله سپيڅلې مبارزه جاري ساتو او په داسې حالاتو کې موږ لپاره مهمه نه ده چې له ښکيلو څخه د پرديو پرمټ څوک واک ته رسېږي، موږ له ولس سره يو او يوځل بيا دوى ته ډاډ ورکوو چې د خپلې سپېڅلې سياسي، علمي او تخنيکي مبارزې هوډ مو لا پياوړى شوى او پرمخ بولو لپاره يې په ملت د ملګرتيا غږ کوو چې ملت د خپل حق او راتلونکي لپاره موږ سره ګډه هڅه وکړي ترڅو تپلشوي او د هغوى حکومتونه لاندې چارو ته مجبور کړو:
لومړى: د ١٣٩٨ بدمرغه ټاکنو په پايله کې تپلشوى حکومت پرېنږدئ چې له بهرنيو پورونه واخلي، که مو پرېښود، افغانستان به په غيرمستقيم ډول خرڅ کړي چې بيا ترڅو دا نړۍ اباده وي تاسې به د هېواد او خپلې ارادې څښتنان نشئ، حکومت چې کومې بهرنۍ مرستې ترلاسه کوي، د پرانستې حکومتولۍ پر بنسټ بايد د هغو لګښتونه ملت سره ګام پر ګام شريک کړي.
دويم: په هېواد کې روانې جګړې ته چې بهرني مرسته کوي بايد د پرانيستي حکومتولۍ پر بنسټونو د جګړې لپاره د وسلو او مهماتو برابرولو او لګښت کولو بهير له پيل تر پايه پرانيستى او حکومت يې ملت ته په حساب ورکولو مجبور کړل شي، نور محرميت مه منئ، يوازې افغان ولس ناخبره ساتل کېږي، زموږ له دوستانو او دښمانانو هېڅ پټ ندي، دا کړنه به جګړه سسته او سولې ته لار پرانيځي.
دريم: ارګ کې د ملى تدارکاتو اداره چې له خورا ډېرو برخو څخه يې يوازې تپلشوي برخمن کېږي او مرکزيت يې د ملت بېخ وباسي، بايد دغه اداره د ټولو ملي تدارکاتو بهير له اړتياو نيولې تر تړون تر پايه پورې ملت ته د ګام پرګام مالوماتو شريکولو او له درغليو د مخنيوى چارو ته ځانکړى شي، تړونونه ورکول بايد ددغې ادارى له واک څخه وايستل شي. ټولې اړوند دولتي ادارې د اړتيا سره سم بايد د خپلو تدارکاتو واک ولري ترڅو مجازاتو او مکافاتو ته لار پرانيستل شي، دا به ملت له پسات (فساد) او د بهرنيو له دام څخه خلاص کړي، ټولواک ارګ ته ورکول د پسات جړ دى.
څلورم: ولايتي او نورې دولتي ادارې هم بايد پرانيستې حکومتولي خپله کړي او د خپلو ټولو لګښتونو تګ او راتګ راپورونه ورځ په ورځ له ملت سره شريک کړي.
موږ يوځل بيا ملت ته ډاډ ورکو چې د لوى څښتن راکړې تخنيکي او علمي وړتياوې به د دوى د هوساينې او پرمختګ لپاره نه سپمو او خپله مبارزه به جارى ساتو، په دعاګانو کې مو مه هيروئ، د يو هوسا، خپلواک، پرځانبسيا او خوشاله افغان ولس په هيله.
په درنښت د ملت خيرخوا او ملګرى
نوررحمان لېوال
د ١٣٩٨ ولسمشرۍ خپلواک نوماند
تړاو کاپي کاپي شو
2019-12-06 13:00:00 لمريز 1398-09-15 13:00:00
١-تاسې د کمېسيون کمشنرانو، تخنيکي او اداري غړو، موږ د ولسمشرۍ نوماندانو ته بيابيا ويل چې کمېسيون د ټاکنو ترسره کولو تخنيکي او اداري وړتيا يا ظرفيت نلري، ورسره په کمېسيون او مرستندويه ادارو کې ځينې پخواني تخنيکي کارکوونکي چې تېرې ټاکنې يې کړکېچنې کړې وې تاسې له دندو ګوښه نه کړاى شول، د ټول هېواد په کچه مو د کمېسيون د کارکوونکو کمبوتات درلودل، پرته له واکمنو ډلو نورو ټولو نوماندانو کمېسيون ته وويل چې د ټاکنو د پايلو ځنډېدلو پرځاى دا غوره ده چې ټاکنې وځنډوئ او سيستم په بېلګيز ډول وړاندې کړئ، خو ٦ د تلې ته دوه اونۍ په پاتې کېدو داسې څه معجزه وشوه چې تاسې ټاکنو ته تيار شوئ؟ موږ کمېسيون ته د وړيا سيسټم درکولو وړانديزونه وکړل، خو تاسې د واکمنو ډلو په خوښه د ملياردونو ملي بوديجې په ضايع کولو له بهرنيانو بايوميټريک سيسټم واخيست، نېږدې ٢ ميليونه رايې چې د ډرمالاګ کمپنۍ د ادعا لمخې ټيکنالوژي يې په يوه ثانيه کې ٣.٦ مليارده بايوميټريکي رايې شمېري، نو ٢ ميليونه رايې شمېرل يوازې ١٩ دقيقې وخت غواړي (2e6x2e6/3.6e9/60=19)، خو کمېسيون دادى نېږدې ٣ مياشتو کې هغه رايې ونشمېرلې، ولې؟ بل هغه نېږدې يو ميليون رايې چې تاسې رد يا باطلې کړلې هغه د کوم نوماند لپاره اچول شوې وې؟ ولې تاسې په دغو درغليو پټه خوله ياست؟
٢-ډاکټر عبدالله عبدالله او ډاکټر غني د تېرو ټاکنو په ترڅ کې په غيرقانوني ډول د يو سياسي جوړجاړي له مخې شريک حکومت جوړکړ چې په پايله کې يې په لکونو افغانان شهيدان او ميليونونه نور له ډول ډول ناخوالو سره مخ شول! د قانون له مخې هرهغه څوک چې دولتي دنده ولري او استعفا ورنکړي ولسمشرۍ ته نشي نوماند کېداى، تاسې د ټاکنو خپلواک کمېسيون د ډاکټر عبدالله عبدالله په غيرقانوني نوماندۍ ولې غلي ياست؟
٣- د هېواد په دې ټيټ اقتصادي حالت کې تاسې کمېسيون د کمپاين د لګښت لپاره حد ٤٥٠ ميليونه افغانيو ته اوچت کړ، خو ډاکټر غني شاوخوا ٢ مليارده له ملي بوديجې د افغان ولس حق چې شاوخوا ٦٠٪ يې له بېوزلۍ سره مخ او ٣ وخته وچه ډوډۍ نلري په خپل کمپاين کې مصرف کړ، تاسې ولې پردې غلي ياست؟ د ١٣٩٣ ولسمشرۍ ټاکنو د کمپاين بوديجې لګولو بريد شاوخوا ١٠ ميليونه افغانۍ ټاکل شوى وو، تاسې ولې او د چا په مشوره د کمپاين لګښت بريد ٤٥٠ ميليونه افغانيو ته اوچت کړ؟
نورې ډېرې نادودې پرځاى پرېږدو ستاسې د غوښتنې پر بنسټ پورتنۍ درې کليدي پوښتنې درلېږو چې د ملي خيانت تر برېده په کې قوانين ترپښولاندې شوي او دا څرګندوي چې تاسې د حکومت تر اغېز لاندې ياست او خپلواکي نلرى چې عدالت وکړئ، دا توان هم نه لرى چې په کمېسيون کې د ناخوالو له امله استعفا ورکړئ، تاسې موږ ته وواياست چې هغه کوم شرعي، اخلاقي، افغاني، انساني او قانوني ارزښت دى چې له مخې يې موږ ستاسې تر مديريت لاندې د ناوړه او انجينري شوي ټاکنو پايلې ومنو او ولې؟
د کميسيون سمبوليک شتون او غونډې پرته لدې چې بې عدالتيو او غيرقانوني مصلحت ته لارې پرانځي نور څه نه دي، نو ځکه ستاسې له غونډو سره پريکون کوو او د ١٣٩٨ ولسمشرۍ نوماندانو د جرګې/شورا له دريځ سره همغږي يو چې کميسيون نابريالى، ټاکنې ولس رټلې او له درغليو ډکې بولو چې په پايله کې ستاسې هره پريکړه په پورتنيو دلايلو غيرقانوني ګڼو، ټولو ته څرګنده ده چې کميسيون د وصولو او قوانينو پرځاى پر مصلحت روان دى نو مصلحت کې بايد ټول ګډون ولري.
په درناوي
نور رحمان لېوال
١٣٩٨ ولسمشرۍ خپلواک نوماند
يادونه:
د ټاکنو کميسيون د يوينۍيکشنبې د 1398-09-17 ننداريزه يا نمايشي غوڼډه کې، زموږ پوښتنو ته ځواب نه درلود، ځکه يې زموږ د پوښتنو يادونه ونکړه چې ٢ ورځې مخکې ورلېږل شوي وي.
کميسيون هڅه کوي چې د بهرنيو سفيرانو په شتون د کميسيون په ناوړه چارو د ولس باور ترلاسه کړي، خو دوى نه پوهېږي چې افغان ولس خپله خپلواکي تر هرڅه لوړه ګڼي! د ولسمشرۍ د هغو نوماندانو ډلې چې د بهرنيوله شتون څخه د افغانانو ګټور دى په ننۍ غونډه کې شتون درلود.
تړاو کاپي کاپي شو
د ملي يووالي په نوم، غيرقانوني حکومت کې شاملې ډلې په ځانګري ډول عبدالله خو دې بېخي د ګټلو تمه نه لري، ځکه غيرقانوني نوماند وو، د ملت په بوديجه دې غيرقانوني کمپاين کړى، ستا او د غيرقانوني، ملي يووالي ګډ حکومت بل غړي حکومت کول نور هېڅچاته د منلو وړ نه دي، ځان او ملت مه ځوروئ.
تر نيم لا ډېرهېوادول هسې هم د ملي يووالي حکومت سره جنګېدل، که نيم ستاسې تر واکمنۍ لاندې د ټاکنو پلويان وو، ستاسې پرټاکنو لوبو کولو سره هغوى هم باور له لاسه ورکړ او يوازې ٢٠٪ هغو خلکو په ټاکنو کې برخه واخيسته چې سټيکر شوي وو او ستاسې لخوا د بډو ورکولو لپاره مجبور وو رايه درکړي يا بکسونه درډک کړي.
اوسنۍ ټاکنې يوازې د نيمو هېوادوالو له ٢٪ څخه استازولي کوي، نوماندان دې واوري چې ملت هم د راتلونکي حکومت لپاره خپل شرتونه لري او موږ د ملت ترشا ولاړ يو او د ملت د ګټو لپاره مو مبارزه روانه ده.
تر نيم لا ډېرهېوادول هسې هم د ملي يووالي حکومت سره جنګېدل، که نيم ستاسې تر واکمنۍ لاندې د ټاکنو پلويان وو، ستاسې پرټاکنو لوبو کولو سره هغوى هم باور له لاسه ورکړ او يوازې ٢٠٪ هغو خلکو په ټاکنو کې برخه واخيسته چې سټيکر شوي وو او ستاسې لخوا د بډو ورکولو لپاره مجبور وو رايه درکړي يا بکسونه درډک کړي.
اوسنۍ ټاکنې يوازې د نيمو هېوادوالو له ٢٪ څخه استازولي کوي، نوماندان دې واوري چې ملت هم د راتلونکي حکومت لپاره خپل شرتونه لري او موږ د ملت ترشا ولاړ يو او د ملت د ګټو لپاره مو مبارزه روانه ده.
تړاو کاپي کاپي شو
غني زما له پروګرامونو او لاسته راوړنو څخه بله غلا وکړه
د ولسمشرۍ ټاکنو له پيل څخه دا زما غوښتنه وه چې د ټاکنو ټوله بوديجه بايد له ملي بوديجې ورکړل شي.
په ١٥، چنګاښ، ١٣٩٨ (٦ جولاى ٢٠١٩) د افغانستان د ټاکنو ملاتړ ګروپ ته تر بيا بيا ويلو وروسته په يوه ستره ليکنه کې تر لاندې سرليک:
"افغانستان کې د نابرياليو او لانجمنو ټاکنو ترشا د ملګروملتو د ادارو او ځينو بهرنيو سفارتونو موازي پاچاهۍ دي The parallel kingdoms of the United Nations Agencies and some foreign missions are behind the failures and disputed election in Afghanistan"
کې سپارښتنه وکړه او هغوى اړ شول چې ټاکنو لپاره بوديجه د غني له فساده ډک حکومت ته ورنکړي. په ٢٤، چنګاښ، ١٣٩٨ غني مجبور شو چې له ملي بوديجې يې ورکړي، نن غني زما لاسته راوړنه خپل لاسته راوړنه ګڼي او وايي "وياړم چې ټاکنې مو په خپل لګښت وکړې، نه د نړۍ په پيسو".
په دې سپارښتنه کې مو د بوديجې په هکله داسې وړانديز او غوښتنه کړې وه:
"３-بوديجه او مسوليت هغو ته سپارل چې په پاى کې مسول او حسابورکوونکي وي: موږ د افغانستان د ټاکنو ملاتړ ګروپ ته سپارښتنه کوو چې بايد د بېمسوليتيو د مخنيوي لپاره د ټاکنو د داسې بهېر ملاتړ وکړي چې لارښوونه او څښتنولي يې د افغانانو وي ترڅو يو لورى د مسوليت او حساب ورکولو لپاره ولرو، که داسې نشئ کولائ، غوره به وي خپل ملاتړ بند کړئ، ترڅو افغانستان د ټاکنو لپاره خپلي سرچينې پيدا کړي. په اوسنې حالت کې چې د ټاکنو بهېر د ملګروملتو تر واک لاندې دى، د دوى د کارکوونکو خونديتوب يا مصونيت او په ځانګړي ډول د ملګروملتو د ټاکنو د ملاتړ پروژه او نور اړوند لوري چې په پسات، خېښپالنه او بيوروکراسي کې ډوب دي، د ټاکنو ساده بهېر په اسانۍ سره ډېر پيچلې، بې مسؤليته او له پساته ډکوي، ځکه چې د دوى له منځه څوک مسؤل، حساب ورکوونکي او د افغانستان د قانون لاندې نشي مجازات کېداى."
کله چې ما دغه ليکنه د افغانستان د ټاکنو ملاتړ ګروپ ټولو اړند نړيوالو ادارو، هېوادونو او د هغوى اړوندو مشرانو ته واستوله هغوى د ټاکنو خپلواک کمېسيون ته بوديجه ورکول بند کړل.
دا چې د پخوا په پرتله مو يو څه سوليزې ټاکنې درلودې يو لامل يې د بهرنيو د بوديجې بندېدو له امله د هغوى لاس لانډېدل وو.
بشپړه ليکنه په انګرېزي او يوه برخه يې په پښتو دلته لوستلى شئ.
ما پخوا ويلي، چې لا به زموږ په لارو ځي لا به يې موږ ته پرېږدي.
تړاو کاپي کاپي شو
2019-09-26 01:04:00
سلامونه قدرمنو ملاتړو!
دا دى نن څلورنۍ(چهارشنبه) د شپې ١٢ بجې د تلې(ميزان) په ٣، چې د سپټمبر له ٢٥ سره سمون خوري د ولسمشرۍ د ټاکنو د کمپاين وخت پاى ته ورسېد. وياړم چې تاسې قدرمنو ملاتړو له خپلو دېرو، حجرو، کورونو، دوکانونو او مېلمستونونو څخه کمپاين وکړ، تاسې ته هېواد کې د خپلواک سياست د بنسټګرو په وياړ ګټلو مبارکي وايم، نړۍ نړۍ مننه له سپېڅلو هلوځلو، وياړ مو ياست، تاريخ به ستاسې هڅې په زرينو کرښو ليکي.
ډېرى نوماندان د هېواد شته ستونزو لکه ناوړه حکومتولي، بې عدالتي، موازي حکومتونه، جګړې/پردۍ لاسوهنې، پسات(فساد)، بېوزلي او بيا بيا وچکاليو د له منځه وړلو او د هېواد د پرمختګ لپاره پروګرامونه نه لري، خو ښارونه او کوڅې يې په عکسونو ولړلې، سوداګريزو خبرتياوو يې رسنۍ په غوغا کړې، دفترونو يې رشوتي دسترخانونه وغوړول، د غونډو ګډونوال او څارونکي يې له ٥٠٠ تر ١٥٠٠٠ افغانيو وګمارل چې ډېر په کمپايني غوڼدو کې ووژل شول، همدارنګه رايې په پيسو اخلي. د دوى دغو ناوړه او ناروا کړنو سپېڅلي وګړي رشوت خوړلو ته مجبور کړي! د ملت ژغورنې او پرمختګ لپاره مو پنځه ځله د غورينې(مناظرې) لپاره ښاغلى غني او ښاغلى عبدالله وننګاول(چېلنج کړل)، خو دوى چمتو نشول! تر ټولو بده لا دا چې د شمشاد ټلوېزيون وياند ښاغلي ميرويس ستانکزي په مرکه کې راته ويل "غني له نوماندانو سره غورينې ته ځکه نه چمتو کېږي چې سيال يې نه ګڼي"، وايي د دروغجن يادښت کمزورى وي، د غني چيغه وه چې "هېڅ افغان له بل نه کم نه دی"، نو نن څنګه يو داسې نابغه افغان چې غني يې ٢٥٪ سلنه مهارتونه نلري او له ده سره قانوني د ولسمشرۍ سيال دى ولې نه مخامخ کېږي؟
له کومې ورځې چې غني واک ته رسېدلى، د افغانانو او افغانستان په سر يې له دښمنانو سره هر ډول سودا کړې چې په ترڅ کې يې په لکونو هېوادوال شهيدان شوي او په ميليونونو نور زيانمن شوي، په ډيورنډ ناولې کرښه "د غني اغزن تار" وغځول شو، نظام لا هم په پسات کې سرکښ دى، د حقوق پوهانو ټولنې د څېړنو لمخې د اساسي قانون له ١٦٢ مادو څخه يې ٩٤ مادې تر پښو لاندې کړي، د هېوادوالو اقتصادي حالت ډېر زيات خراب دى چې شاوخوا ٦٥٪ د لوږې تر کرښې لاندې ژوند ته اړ کړل شوي.
د هېواد اقتصادي حالت دومره خراب دى چې کېداى شي اوس هم په پټه د غني د کمپاين، انډيوالپالنې او خېښپالنې له امله په ميلياردونو پوروړى وي. د ١٣٩٣ ټاکنو پر مهال مو خپلو ملاتړو او مينوالو ته ويل، چې غني د "کاروبار په دوران" نه پوهېږي او د هېواد اقتصاد به سخت خراب کړي، چې نن يې ټول په ځان ويني او مني. دا خبره مو د غني د هغو کړووړو د ارزونو پربنسټ کوله چې کله دى د کرزي په حکومت کې سلاکار، د پوهنتون رئيس او د ماليې وزير وو. کله چې غني د ماليې وزير وو د هغه تره ښاغلي کوچي په لاس مو وړانديز ورولېږه، "د نړيوالو مرستو په شتون کې، که هېواد ته په خامو توکو راوړلو له ٥ تر١٠ کاله ماليه اخيستل بند شي او په پخو توکو له ١٠٠٪ تر ١٠٠٠٪ ماليه واخيستل شي نو پنځه کاله کې به هېواد پخپلو پښو ودرېږي". د غني ځواب وو" چې د بازار عرضه او تقاضا به څنګه پوره کېږي؟ زه پوه شوم چې په صنعت او اقتصاد نه پوهېږي.
اوس ټول يو ځل بيا خبروم، که دا ځل بيا په درغليو غني واک ته ورسېد، دى به له نړيوالو اقتصادي ادارو زښت ډېر پورونه وکړي او د دغو پورنو ٩٠٪ به د پسات ښکار شي، چې راتلونکي کې به هر افغان بچى ان د مور په خېټه کې د نړيوالو اقتصادي ادارو پوروړى وي.
تر ټولو نادوده دا چې غني هيڅ ډول اصولو ته ژمن ندى او د لېونتوب تر کچې د واک حرص لري، بډې او رشوت ورکول يې تر ټولو ستره وړتيا ده، تېرو څو مياشتو کې يې رشوت په خوله څو دولتي مامورين په کاري وخت کې زما دفتر ته رالېږلي "چې هرڅه غواړې غني يې درکوي"، خو له نوماندۍ تېر شه. زه په خداى پاک، تاسې او ځان باور لرم، په پاک نيت او اخلاص سره د ولسمشرۍ سيالۍ ته راوتلى يم او تر پايه به ستاسې لپاره ولاړ يم، دا په وياړ سره وايم چې نه د پرديپالنې برخه وم، نه د جګړو، نه د پسات، نه د هېواد ړنګولو او نه هم د هېوادوالو د ځورولو، تل مې د ولس د بنسټيزو ستونزو د حل لپاره هلېځلې کړي، اسانتياوې او پيداور مې رامنځته کړي چې د ډېرو په اند ناشوني ول، همدارنګه زما لپاره دا نوې خبره نه ده چې زما د ولسمشرۍ پروګرامونه ځينې ناپوهه ناشوني او خيالي بولي!
راځئ دا ځل د تپلشوي او ناوړه سياست پرځاى خپلواک سياست سره ملت او هېواد وژغورو، زه ستاسې د چوپړ لپاره ولاړ يم او پروګرامونه مې د سولې، پرمختګ او ځانبسياينې لپاره دي، همدا ښه واره يا موقع ده چې پاک څښتن تعالى پر موږ او تاسې لورولې او بايد ګټه ترې پورته کړو، ماته رايه راکړئ چې سوله وکړو، پردۍ جګړې بندې کړو، ٦٠ ورځو کې دوه ميليونه دندې رامنځته کړو، پر ټکنالوژۍ پسات له منځه يوسو او د شته حکومتولۍ ٣٠٪ وړتيا ٨٠٪ ته لوړه کړو. زما ټاکنيزه نښه الوتکه يا طياره ده او ټاکنيزه شمېره ٦ ده.
سرلوړي، خپلواک، ښاد او اباد اوسئ.
په درنښت
نور رحمان لېوال
١٣٩٨ ولسمشرۍ خپلواک نوماند
www.noorrahmanliwal.com
liwal@nrliwal.com
0786254925
تړاو کاپي کاپي شو
2020-08-27 00:00:00
د لېوال منشور لنډيز، نور رحمان لېوال، د ١٣٩٨ ولسمشرۍ خپلواک نوماند، افغانستان
موږ او تاسې د ولسمشرۍ ستر ملي مسوليت ته په داسې وخت کې اوږه ورکوو چې د وخت ناوړه سياسي او اقتصادي پرېکړو د هېوادوالو سر او مال له سترو ګواښونو سره مخ کړى دى. ناوړه حکومتولي، بې عدالتي، موازي حکومتونه، جګړې او پردۍ لاسوهنې، پسات (فساد) بېوزلي او بيا بيا وچکالي راتلل ستونزې دي چې موږ ددغو او نورو اړوند ستونزو د حل لوړه کوو، له تېرې يوې لسيزې څخه مو پروګرامونه او تګلارې هم ورته جوړې او په لاره اچولي دي چې په خپل راتلونکي حکومت کې د ټول هېواد په کچه د پلي کولو لپاره سيالۍ ته راوتلي يو.
د ناوړه حکومتولۍ ستره ستونزه د رياستي، پارلماني ، قومي او بهرنيو اډيالوژيو او جوړښتونو پر بنسټ تپلشوې ګډوله حکومتي سيستم دى، چې پايلو يې ملت له سترو ستونزو سره مخ کړى، ولسمشرۍ ته د نومليکنې بهير څخه وړاندې موږ د اوسني ناوړه څو قومي سيستم پر خلاف د مديريتي سيستم رامنځته کولو لپاره تر خپل وسه ټولپوښتنه وکړه چې: د دوو قومي مرستيالانو پرځاى ټولو قومونوته د عدالت او حق ورکولو پر بنسټ مو په هېواد کې له هر مېشت قوم څخه د يو مرستيال ټاکلو وړانديز وکړ، له نېکمرغه ډېرى هېوادوالو په بشپړ ډول قوميت او د قوميت پربنسټ نوماندېدل رد او مديريت څخه هرکلى وکړ. ځکه موږ پرېکړه وکړه چې ولسمشرۍ ته له برياليتوب وروسته، قانون کې سمون راولو، د ولسواکۍ، مديريت، مسوليت او اهليت پربنسټ يوازې پر يوه مرستيال بسنه کوو، زموږ په ټينګ مرکزي حکومت کې د تېرو ناوړه حکومتونو پر خلاف چې زرګونه کورني او بهرني مشاورين لري، يوازې په هېواد کې له هر مېشت قوم څخه په يو مشاور بسنه کوو. همدارنګه د بهرنيو ښکېلو له ځايي ارزښتونو ناخبري او د خپلو لنډو موخو لپاره قوميت پالنې، انډيوالپالنې او بې عدالتي ته لاره هواره کړې، چې د افغانانو سره دښمنۍ ته د قومي تاوتريخوالي رنګ ورکولو سره د ولس پام له بنسټيزو ستونزو واړوي، په پايله کې د قوميت په نوم غوښتنې او ناوړه مشرتابه لپاره ناوړه کسانو ته لاره هواره شوې چې قومونو ته يې پرته له کړکېچ څخه بل څه ندي ورکړي او دغه حالت کورني او بهرني موازي حکومتونه د ملت په اوږو بار کړي دي.
ناوړه حکومتولي او جګړه يا جګړې او ناوړه حکومتولي چې بې مسوليتي او بې عدالتي يې منځته راوړې، دوى د ټولو ستونزو ميندې دي چې يو بل ژوندي ساتي. اوس افغانان دوه لارې لري يا د ښې حکومتولۍ او عدالت لپاره ټاکنو کې راوتل او زموږ ملاتړ کول يا د جګړې پرضد او تلپاتې سولې لپاره ملي پاڅون کول دي، موږ لومړنۍ لاره غوره ګڼو، ځکه له لسيزو ورته هلې ځلې کوو جګړه چې پسات او د پرديو لاسوهنو ته يې لاره هواره کړې په افغانستان کې متحده ايالاتو پيل کړې او حل يې د دوى په وتلو يا د افغانانو په شرتونو دلته پاتې کېدلو کې نغښتى دى، د خوښۍ ځاى دادى چې اوس دوى په افغانستان کې سوله غواړي، او موږ د سولې ټينګ ملاتړي يو.
موازي حکومتونه له منځه وړل، جګړه پاى ته رسول او سوله د افغانستان د خلکو سپېڅلې غوښتنه او حق دى، د سولې په اړه ترننه چې د افغانستان حکومت، ملګروملتونو، کورنيو او بهرينو موسيسو، ځينو اسلامي هېوادونو، د افغانستان نړيوالو ملګرو هڅې کړي، د ستايلو وړ دي، خو د تلپاتي سولې لپاره د سولې راوستلو په تګلارو کې ژور بدلون راوستلو ته اړتيا ده ترڅو د مختلفو ښکېلو لوريو له څو اړخيزه لوبې څخه ووځي. د سولې راوستلو لپاره ښکېل لوري کمول، د افغانانو په ځان بساينې ته پام ، د مرستو په نوم د سيمې او نړيوالو هېوادونو د ګټو ټکر له منځه وړل او يو داسې افغاني منځګړيتوب او درېمګړيتوب پلاوي ته لار هوارول چې د افغانستان د تېرو څلورو لسيزو لانجه کې د کورنيو، سيميزو او نړيوالو ښکېلتياوو برخه نه وو او د افغانستان د لانجې د حل لپاره ځانګړى پروګرام، ولسي ملاتړ، د خپلواک سياست هوډ او له ښکېلو لوريو لکه د کابل حکومت، طالبانو او متحده ايالاتو+ ناټو سره د منځګړيتوب په ژبه، د دوى په ذهنيتونو او نزاکتونو پوه وي او هم د خپلې خپلواکۍ ساتلو هوډ ولري، دغه ټولې ځانګړتياوې او وړتياوي د مسوليت او عدالت ډلې پرته بل لوري کې نشته.
د پسات له منځه وړلو لپاره موږ په خپل نوښت او لګښت د ښې حکومتولۍ لپاره يو ډېر پراخ کمپيوټري پروګرام جوړ کړى چې له ولسمشره نيولې ادارې، چارواکي او هېوادوال سره تړي، د حکومت او ولس ټولې چارې به په الکټرونيکي ډول پرمخ ځي او زموږ د ولسمشرۍ دريم کال پورې به د پسات کچه ورکه او ملت ته د اسانتياوو د ورکولو اوسنۍ کچه له ٣٠٪ څخه ٨٠٪ ته اوچته کړي.
ځينې نورې ستونزې چې ښځې، نوښتګر، سوداګر او ټول ملت ګواښي، لکه نالوستيا، تاوتريخوالى، نشيز توکي او ملي شتمنيو غلا ته او هم ناوړه حکومتولۍ،پسات، بېوزلۍ او وچکاليو ته لاره هواره کړې ده، چې د لېوال ملي مړښت او پوهې پروګرامونو لاندې مو په ملي بوديجه نه بلکې د خپلې مزدورۍ په لګښت د بېوزلۍ او وچکالۍ لپاره حل لارې تجربه کړي او پروګرامونه مو وړاندې کړي دي. د لوى څښتن تعالى شکرونه ادا کوو چې موږ ته يې دا وړتيا را په برخه کړه، ترڅو نه يوازې وړانديز وکړو بلکې د ترسره کولو بشپړې بېلګې هم ملت ته وړاندې کړو چې د افغان حکومت، ملګروملتونو او نړيوالې ټولنې له ورته اسانتياوو سره چې ميلياردونه لګښتونه لري، د پرتلې وړ دي او ځينو برخو کې لا غوره هم دي.
موږ د الله ج او د ولس لپاره د مسوليت ترسره کولو، عدالت کولو او له دغه حالت څخه د وتلو په موخه سيسټم او تګلارې چمتو کړي دي. د ترسره کولو لپاره يې موږ پر الله ج، ځان او هېوادوالو بشپړ باور لرو. پخپل ځان د بسياينې او خپلواکۍ لپاره هوډ، زيار او هڅه مو د ١٣٩٣ کال له ولسمشريزو ټاکنو راپديخوا روانه ده.
د لوى څښتن تعالى د خوښۍ او د ولس د هوساينې لپاره موږ پرېکړه کړې چې د تدبير، هوښيارۍ او نويو پرمختګونو په خپلولو سره به "افغانستان ١٫٠" په نوم د افغان ژغورنې او پرمختګ ډيجيټل علمي انقلاب رامنځته کوو. اوسنۍ ناخوالې چې د ولسواکۍ او پرمختګ په نامه د ځينو کورنيو او بهرنيو دسيسو له لارې، زموږ د کمزورو او تپلشويو سياستونو له امله پر موږ تپل شوي. موږ دغه نادودې د الله ج په مرسته، د ولس په ملګرتيا او د ريښتينې ولسواکۍ په پياوړتيا شنډوو.
نړيوالو سره په بې پرې ډول، د دوه اړخيزه درناوي او د افغانانو په شرتونو اړيکې غواړو. پر ګاونډيو غږ کوو چې افغانستان د ستانونو د ذهنيت زړه او مغز دى. نړيوال زبرځواکي ځکه دلته راځي ترڅو له پوره سيمې برخمن شي. همدارنګه د نړۍ د پرمختګ د بهير مخ زموږ د سيمې پر لوري دى، د احساساتو پرځاى له ځيرکتيا څخه کار واخلئ، که په افغانستان کې امن رانغلو، د نړيوال پرمختګ بهير بل لوري ته ځي، تاسې به هم له دغه پرمختګ څخه بې برخې شئ. د پرديو استخباراتي شبکو ډنډورې چې وايي دلته خپلواک سياست نشي کېداى او هرڅه له وړاندې ټاکل شوي، په اړه وايم: په ياد ولرئ، سياست ټولنيز علم دی چې د مادې په ډول يې د ساينسي علومو په رڼا کې د تجربو او ځانګړتياوو پر بنسټ زده کول، سنجول او حتمي پايلې ترلاسه کول ځان تېر ايستل دي، ځکه په سياست کې بنسټيز توکی انسان دی او انسان د مادې په ډول ټاکلې ځانګړتياوې او غبرګون نه لري. سياست کې باور، ټينګ هوډ، سپېڅلتيا او زيار د بري شرتونه دي. که داسې نه واى نو د افغانستان په څېر هېواد کې به د پخوانۍ او اوسنۍ نړۍ زبرځواکۍ په لسيزو نه ښکېل کېدلې.
د خپلواک حکومت لپاره موږ پخپلې ريښتينولي، زيار، نوښتونو او يوازې د افغانانو په غيرت، مېړانه، ملاتړ او لاسته راوړنو حساب کوو، باور لرو چې هغه لوى څښتن تعالى زموږ مل دى او ډاډه يو چې د افغانستان قدرمن ولس مو پرخپل مټ، سوکاله، پرتمين او نړۍ سره سيال هېواد لپاره ملاتړ کوي، موږ ستاسې لپاره هلېځلې کوو، نو ځکه لومړى له الله ج او بيا له تاسې څخه مرسته او همکاري غواړو.چې تلپاتې سولې، خپلواکۍ او ځانبسياينې لپاره په ملي، حکومتي او دولتي کچه کوم ژور سمون ته چې اړتيا ده هغه زموږ د لاندې پروګرامونو له لارې راتلاى شي:
١- دوه جوپې حکومتولي: د عدالت راوستلو او د پسات له منځه وړلو لپاره، اوسني دولتي کارکوونکي پر خپل ځاى، د دويمې جوپې لپاره نوې ګمارنې. ٢- بشپړه ډيجيټل حکومتولي: له کوره دولتي اسانتياوو ترلاسه کول او د شته حکومتولۍ ٣٠سلنه وړتيا، ٨٠ سلنې ته لوړول. ٣- بېکاري له منځه وړل: يو ميليون دندې، د لېوال حکومت لومړيو دېرشو ورځو کې را منځته کول، په دولتي چارو کې د سمون له امله دويم ميليون نوې دندې په درې مياشتو کې، پنځه ميليونه نوې دندې د شتمنيو د وېش له امله تر دريم کاله او ټولې لس ميليونه دندې، د لېوال حکومت د پنځم کال ترپايه رامنځته کول. ٤- د تلپاتې خپلواکي لپاره: د اړتيا وړ، له ٨٥ زره توکو، پيداوارو، مهارتونو او اسانتياوو څخه چې اوس شاوخوا ٢٥سلنه هېوادوال پوره کوي،٨٠ سلنه په هېواد کې دننه د پوره کولو لپاره هوډ او پروګرامونه. ٥- د کډوالو هېوادوالو راستنول: په ګاونډيو هېوادو کې د کډوالو هېوادوالو د راستنېدو لپاره، شپږو مياشتو کې په هېواد کې دننه کور، د کرنې ځمکې او دندې ورکول. ٦- امنيت راوستل: عمومي بښنه اعلانول، د اغواګرو پرځاى محاکمه کول او په غلو له سختو چارو ترسره کولو سره بند تېرول. ٧- ملي يووالى راوستل: لومړيو درې مياشتو کې د ټکنالوژۍ پرمټ، په هېواد کې کره وګړشمېرنه پيلول او هرومرو ترسره کول. ٨- د ځان بسياينې لپاره: کرنې/مالدارۍ، روغتيا او امنيتي چارو کې د ملي بوديجې ډېرى برخه لګول، پايله کې په ٢ مياشتو کې په سبو، درې مياشتو کې په مرغانو، يو کال کې په غلو دانو او دوه کالو کې په غوښو د هېوادوالو بسيا کول. ٩- ساتنه او ژغورنه: دفاعي چارو کې د مکلفيت او مسلکي دورو موازي پرمختګ پيلول، د پوځونو او د دوى د درنو کورنيو د ملاتړ سرچينې لوړول. ١٠- پوهنه اسانه کول: د لېرې څخه زده کړو په مرسته د لوستو اوسنۍ کچه له ٢٥٪ څخه ٨٠٪ ته لوړول، ښوونکو او د دوى د درنو کورنيو د ملاتړ سرچينې لوړول.
پورتنۍ لس چارې به عدالت او د ولس د اړتياوو پوره کولو لپاره اسانتياوې رامنځته کړي، چې پايله کې به جګړې پخپله پاى ومومي، د مسوليت اوعدالت ډلې پروګرامونه به افغان شخړيز دولت په يو ښيګڼيز دولت بدل کړي. زموږ حکومت ژمنه کوي چې د ولس د روغتيا او هوساينې خيال به ساتي، په ځانګړې توګه د اړ کسانو مالي او نورې ټولنيزې اړتياوې به د مرستو، تقاعداتو او نورو ګټورو چارو له لارې پوره کوي.
زموږ سپارښتنه داده چې د پرديو ډنډورې شنډې کړئ، چې وايي "رايې ارزښت نه لري او ولسمشر له بهره تپل کېږي"، خپل سياسې برخليک ټاکلو کې زموږ په ډول خپلواکو سياستوالو سره سياسي چارو لپاره مرسته وکړئ او موږ سره سياست کې هرومرو ونډه واخلئ، پر موږ باور وکړئ او د تلپاتې سولې، خپلواکۍ او ځانبسياينې لپاره موږ سره ملګري شئ، موږ ډاډه يو چې هېواد هغه وخت خپلواک، پر ځان بسيا، پرتمين او پرمختللى کېداى شي چې:
١. هېوادوال له خپلواکو سياستوالو سره مرسته، همکاري وکړي او سياسي چارو کې ونډه واخلي. ٢. د ټاکنو خپلواک کمېسيون رڼې ټاکنې ترسره کړي.
د لومړۍ لپاره موږ له تېرو څو لسيزو هڅې کړي او ډاډه يو چې ولس زموږ مرسته کوي، موږ له ولس سره کار کوو او د خپلواک سياست په لور مو خوځښت پيل کړى دى. دويم: د رڼو ټاکنو لپاره موږ نوماندانو، حکومت، د ټاکنو خپلواک کمېسيون، د ټاکنو ملاتړو لوديځوالو هېوادونو، ملګروملتونو ادارو، يوناما، د ټاکنو ملاتړ پروژې او نورو اړوند لوريو ته د ولسمشرۍ له نومليکنې وړاندې او د نومليکنې پر وخت وړانديز وکړ: راځئ، لومړى په ګډه د رڼو ټاکنو د ترسره کېدو لپاره بنسټيزې هڅې وکړو. د رڼو ټاکنو لپاره د ټاکنو درې پړاونه، د ټولنيز عدالت پر بنسټ د رايې د مرکزونو وېش، د رايه ورکوونکو کره راجسټر او پر هغه وخت د رايو شمېرنه او چېرته چې ټاکنې نه ترسره کېږي، هلته د ولس حق بايد په بله بڼه ورکړل شي، همدارنګه مو په ټينګار ورته وويل چې تېرو ټاکنو کې حکومت په ټاکنو لوبې کړي او کوي يې نو د رايو مرکزونه، رايه ورکول، او د رايو شمېرل بايد د بڼوپېژندنې (بايوميټريک) سيستم سره تړلى وي چې په مرسته يې د راجسټر، پېژندلو، رايه ورکولو او سمدلاسه شمېرلو پروسه کره او له هر ډول جعلکاريو خوندي وي. رايه ورکول په رايې پاڼه او هم په ماشيني ډول وي او رايه بايد سمدلاسه د ټولو پر وړاندې د ټاکنو په ورځ په مرکزونو کې وشمېرل او اعلان شي. ماشيني د شمېر سيستم بايد په ځنځيريز تړاو (بلاکچېن) سمبال وي ترڅو لاسوهنې ناشونې شي او د بيا شمېرنې وړ وي، که حکومت دا وړتيا نلري موږ يې وړيا ورکوو. يوځل بيا ټينګار سره وايم، که رڼې ټاکنې ترسره نشي په هېواد کې جګړه، يرغلونه او پرديپالنې پاى نه مومي.
نور رحمان لېوال١٣٩٨ ولسمشرۍ خپلواک نوماند
ټاکنيزه چيغه مسوليت او عدالت
موږ او تاسې د ولسمشرۍ ستر ملي مسوليت ته په داسې وخت کې اوږه ورکوو چې د وخت ناوړه سياسي او اقتصادي پرېکړو د هېوادوالو سر او مال له سترو ګواښونو سره مخ کړى دى. ناوړه حکومتولي، بې عدالتي، موازي حکومتونه، جګړې او پردۍ لاسوهنې، پسات (فساد) بېوزلي او بيا بيا وچکالي راتلل ستونزې دي چې موږ ددغو او نورو اړوند ستونزو د حل لوړه کوو، له تېرې يوې لسيزې څخه مو پروګرامونه او تګلارې هم ورته جوړې او په لاره اچولي دي چې په خپل راتلونکي حکومت کې د ټول هېواد په کچه د پلي کولو لپاره سيالۍ ته راوتلي يو.
د ناوړه حکومتولۍ ستره ستونزه د رياستي، پارلماني ، قومي او بهرنيو اډيالوژيو او جوړښتونو پر بنسټ تپلشوې ګډوله حکومتي سيستم دى، چې پايلو يې ملت له سترو ستونزو سره مخ کړى، ولسمشرۍ ته د نومليکنې بهير څخه وړاندې موږ د اوسني ناوړه څو قومي سيستم پر خلاف د مديريتي سيستم رامنځته کولو لپاره تر خپل وسه ټولپوښتنه وکړه چې: د دوو قومي مرستيالانو پرځاى ټولو قومونوته د عدالت او حق ورکولو پر بنسټ مو په هېواد کې له هر مېشت قوم څخه د يو مرستيال ټاکلو وړانديز وکړ، له نېکمرغه ډېرى هېوادوالو په بشپړ ډول قوميت او د قوميت پربنسټ نوماندېدل رد او مديريت څخه هرکلى وکړ. ځکه موږ پرېکړه وکړه چې ولسمشرۍ ته له برياليتوب وروسته، قانون کې سمون راولو، د ولسواکۍ، مديريت، مسوليت او اهليت پربنسټ يوازې پر يوه مرستيال بسنه کوو، زموږ په ټينګ مرکزي حکومت کې د تېرو ناوړه حکومتونو پر خلاف چې زرګونه کورني او بهرني مشاورين لري، يوازې په هېواد کې له هر مېشت قوم څخه په يو مشاور بسنه کوو. همدارنګه د بهرنيو ښکېلو له ځايي ارزښتونو ناخبري او د خپلو لنډو موخو لپاره قوميت پالنې، انډيوالپالنې او بې عدالتي ته لاره هواره کړې، چې د افغانانو سره دښمنۍ ته د قومي تاوتريخوالي رنګ ورکولو سره د ولس پام له بنسټيزو ستونزو واړوي، په پايله کې د قوميت په نوم غوښتنې او ناوړه مشرتابه لپاره ناوړه کسانو ته لاره هواره شوې چې قومونو ته يې پرته له کړکېچ څخه بل څه ندي ورکړي او دغه حالت کورني او بهرني موازي حکومتونه د ملت په اوږو بار کړي دي.
ناوړه حکومتولي او جګړه يا جګړې او ناوړه حکومتولي چې بې مسوليتي او بې عدالتي يې منځته راوړې، دوى د ټولو ستونزو ميندې دي چې يو بل ژوندي ساتي. اوس افغانان دوه لارې لري يا د ښې حکومتولۍ او عدالت لپاره ټاکنو کې راوتل او زموږ ملاتړ کول يا د جګړې پرضد او تلپاتې سولې لپاره ملي پاڅون کول دي، موږ لومړنۍ لاره غوره ګڼو، ځکه له لسيزو ورته هلې ځلې کوو جګړه چې پسات او د پرديو لاسوهنو ته يې لاره هواره کړې په افغانستان کې متحده ايالاتو پيل کړې او حل يې د دوى په وتلو يا د افغانانو په شرتونو دلته پاتې کېدلو کې نغښتى دى، د خوښۍ ځاى دادى چې اوس دوى په افغانستان کې سوله غواړي، او موږ د سولې ټينګ ملاتړي يو.
موازي حکومتونه له منځه وړل، جګړه پاى ته رسول او سوله د افغانستان د خلکو سپېڅلې غوښتنه او حق دى، د سولې په اړه ترننه چې د افغانستان حکومت، ملګروملتونو، کورنيو او بهرينو موسيسو، ځينو اسلامي هېوادونو، د افغانستان نړيوالو ملګرو هڅې کړي، د ستايلو وړ دي، خو د تلپاتي سولې لپاره د سولې راوستلو په تګلارو کې ژور بدلون راوستلو ته اړتيا ده ترڅو د مختلفو ښکېلو لوريو له څو اړخيزه لوبې څخه ووځي. د سولې راوستلو لپاره ښکېل لوري کمول، د افغانانو په ځان بساينې ته پام ، د مرستو په نوم د سيمې او نړيوالو هېوادونو د ګټو ټکر له منځه وړل او يو داسې افغاني منځګړيتوب او درېمګړيتوب پلاوي ته لار هوارول چې د افغانستان د تېرو څلورو لسيزو لانجه کې د کورنيو، سيميزو او نړيوالو ښکېلتياوو برخه نه وو او د افغانستان د لانجې د حل لپاره ځانګړى پروګرام، ولسي ملاتړ، د خپلواک سياست هوډ او له ښکېلو لوريو لکه د کابل حکومت، طالبانو او متحده ايالاتو+ ناټو سره د منځګړيتوب په ژبه، د دوى په ذهنيتونو او نزاکتونو پوه وي او هم د خپلې خپلواکۍ ساتلو هوډ ولري، دغه ټولې ځانګړتياوې او وړتياوي د مسوليت او عدالت ډلې پرته بل لوري کې نشته.
د پسات له منځه وړلو لپاره موږ په خپل نوښت او لګښت د ښې حکومتولۍ لپاره يو ډېر پراخ کمپيوټري پروګرام جوړ کړى چې له ولسمشره نيولې ادارې، چارواکي او هېوادوال سره تړي، د حکومت او ولس ټولې چارې به په الکټرونيکي ډول پرمخ ځي او زموږ د ولسمشرۍ دريم کال پورې به د پسات کچه ورکه او ملت ته د اسانتياوو د ورکولو اوسنۍ کچه له ٣٠٪ څخه ٨٠٪ ته اوچته کړي.
ځينې نورې ستونزې چې ښځې، نوښتګر، سوداګر او ټول ملت ګواښي، لکه نالوستيا، تاوتريخوالى، نشيز توکي او ملي شتمنيو غلا ته او هم ناوړه حکومتولۍ،پسات، بېوزلۍ او وچکاليو ته لاره هواره کړې ده، چې د لېوال ملي مړښت او پوهې پروګرامونو لاندې مو په ملي بوديجه نه بلکې د خپلې مزدورۍ په لګښت د بېوزلۍ او وچکالۍ لپاره حل لارې تجربه کړي او پروګرامونه مو وړاندې کړي دي. د لوى څښتن تعالى شکرونه ادا کوو چې موږ ته يې دا وړتيا را په برخه کړه، ترڅو نه يوازې وړانديز وکړو بلکې د ترسره کولو بشپړې بېلګې هم ملت ته وړاندې کړو چې د افغان حکومت، ملګروملتونو او نړيوالې ټولنې له ورته اسانتياوو سره چې ميلياردونه لګښتونه لري، د پرتلې وړ دي او ځينو برخو کې لا غوره هم دي.
موږ د الله ج او د ولس لپاره د مسوليت ترسره کولو، عدالت کولو او له دغه حالت څخه د وتلو په موخه سيسټم او تګلارې چمتو کړي دي. د ترسره کولو لپاره يې موږ پر الله ج، ځان او هېوادوالو بشپړ باور لرو. پخپل ځان د بسياينې او خپلواکۍ لپاره هوډ، زيار او هڅه مو د ١٣٩٣ کال له ولسمشريزو ټاکنو راپديخوا روانه ده.
د لوى څښتن تعالى د خوښۍ او د ولس د هوساينې لپاره موږ پرېکړه کړې چې د تدبير، هوښيارۍ او نويو پرمختګونو په خپلولو سره به "افغانستان ١٫٠" په نوم د افغان ژغورنې او پرمختګ ډيجيټل علمي انقلاب رامنځته کوو. اوسنۍ ناخوالې چې د ولسواکۍ او پرمختګ په نامه د ځينو کورنيو او بهرنيو دسيسو له لارې، زموږ د کمزورو او تپلشويو سياستونو له امله پر موږ تپل شوي. موږ دغه نادودې د الله ج په مرسته، د ولس په ملګرتيا او د ريښتينې ولسواکۍ په پياوړتيا شنډوو.
نړيوالو سره په بې پرې ډول، د دوه اړخيزه درناوي او د افغانانو په شرتونو اړيکې غواړو. پر ګاونډيو غږ کوو چې افغانستان د ستانونو د ذهنيت زړه او مغز دى. نړيوال زبرځواکي ځکه دلته راځي ترڅو له پوره سيمې برخمن شي. همدارنګه د نړۍ د پرمختګ د بهير مخ زموږ د سيمې پر لوري دى، د احساساتو پرځاى له ځيرکتيا څخه کار واخلئ، که په افغانستان کې امن رانغلو، د نړيوال پرمختګ بهير بل لوري ته ځي، تاسې به هم له دغه پرمختګ څخه بې برخې شئ. د پرديو استخباراتي شبکو ډنډورې چې وايي دلته خپلواک سياست نشي کېداى او هرڅه له وړاندې ټاکل شوي، په اړه وايم: په ياد ولرئ، سياست ټولنيز علم دی چې د مادې په ډول يې د ساينسي علومو په رڼا کې د تجربو او ځانګړتياوو پر بنسټ زده کول، سنجول او حتمي پايلې ترلاسه کول ځان تېر ايستل دي، ځکه په سياست کې بنسټيز توکی انسان دی او انسان د مادې په ډول ټاکلې ځانګړتياوې او غبرګون نه لري. سياست کې باور، ټينګ هوډ، سپېڅلتيا او زيار د بري شرتونه دي. که داسې نه واى نو د افغانستان په څېر هېواد کې به د پخوانۍ او اوسنۍ نړۍ زبرځواکۍ په لسيزو نه ښکېل کېدلې.
د خپلواک حکومت لپاره موږ پخپلې ريښتينولي، زيار، نوښتونو او يوازې د افغانانو په غيرت، مېړانه، ملاتړ او لاسته راوړنو حساب کوو، باور لرو چې هغه لوى څښتن تعالى زموږ مل دى او ډاډه يو چې د افغانستان قدرمن ولس مو پرخپل مټ، سوکاله، پرتمين او نړۍ سره سيال هېواد لپاره ملاتړ کوي، موږ ستاسې لپاره هلېځلې کوو، نو ځکه لومړى له الله ج او بيا له تاسې څخه مرسته او همکاري غواړو.چې تلپاتې سولې، خپلواکۍ او ځانبسياينې لپاره په ملي، حکومتي او دولتي کچه کوم ژور سمون ته چې اړتيا ده هغه زموږ د لاندې پروګرامونو له لارې راتلاى شي:
١- دوه جوپې حکومتولي: د عدالت راوستلو او د پسات له منځه وړلو لپاره، اوسني دولتي کارکوونکي پر خپل ځاى، د دويمې جوپې لپاره نوې ګمارنې. ٢- بشپړه ډيجيټل حکومتولي: له کوره دولتي اسانتياوو ترلاسه کول او د شته حکومتولۍ ٣٠سلنه وړتيا، ٨٠ سلنې ته لوړول. ٣- بېکاري له منځه وړل: يو ميليون دندې، د لېوال حکومت لومړيو دېرشو ورځو کې را منځته کول، په دولتي چارو کې د سمون له امله دويم ميليون نوې دندې په درې مياشتو کې، پنځه ميليونه نوې دندې د شتمنيو د وېش له امله تر دريم کاله او ټولې لس ميليونه دندې، د لېوال حکومت د پنځم کال ترپايه رامنځته کول. ٤- د تلپاتې خپلواکي لپاره: د اړتيا وړ، له ٨٥ زره توکو، پيداوارو، مهارتونو او اسانتياوو څخه چې اوس شاوخوا ٢٥سلنه هېوادوال پوره کوي،٨٠ سلنه په هېواد کې دننه د پوره کولو لپاره هوډ او پروګرامونه. ٥- د کډوالو هېوادوالو راستنول: په ګاونډيو هېوادو کې د کډوالو هېوادوالو د راستنېدو لپاره، شپږو مياشتو کې په هېواد کې دننه کور، د کرنې ځمکې او دندې ورکول. ٦- امنيت راوستل: عمومي بښنه اعلانول، د اغواګرو پرځاى محاکمه کول او په غلو له سختو چارو ترسره کولو سره بند تېرول. ٧- ملي يووالى راوستل: لومړيو درې مياشتو کې د ټکنالوژۍ پرمټ، په هېواد کې کره وګړشمېرنه پيلول او هرومرو ترسره کول. ٨- د ځان بسياينې لپاره: کرنې/مالدارۍ، روغتيا او امنيتي چارو کې د ملي بوديجې ډېرى برخه لګول، پايله کې په ٢ مياشتو کې په سبو، درې مياشتو کې په مرغانو، يو کال کې په غلو دانو او دوه کالو کې په غوښو د هېوادوالو بسيا کول. ٩- ساتنه او ژغورنه: دفاعي چارو کې د مکلفيت او مسلکي دورو موازي پرمختګ پيلول، د پوځونو او د دوى د درنو کورنيو د ملاتړ سرچينې لوړول. ١٠- پوهنه اسانه کول: د لېرې څخه زده کړو په مرسته د لوستو اوسنۍ کچه له ٢٥٪ څخه ٨٠٪ ته لوړول، ښوونکو او د دوى د درنو کورنيو د ملاتړ سرچينې لوړول.
پورتنۍ لس چارې به عدالت او د ولس د اړتياوو پوره کولو لپاره اسانتياوې رامنځته کړي، چې پايله کې به جګړې پخپله پاى ومومي، د مسوليت اوعدالت ډلې پروګرامونه به افغان شخړيز دولت په يو ښيګڼيز دولت بدل کړي. زموږ حکومت ژمنه کوي چې د ولس د روغتيا او هوساينې خيال به ساتي، په ځانګړې توګه د اړ کسانو مالي او نورې ټولنيزې اړتياوې به د مرستو، تقاعداتو او نورو ګټورو چارو له لارې پوره کوي.
زموږ سپارښتنه داده چې د پرديو ډنډورې شنډې کړئ، چې وايي "رايې ارزښت نه لري او ولسمشر له بهره تپل کېږي"، خپل سياسې برخليک ټاکلو کې زموږ په ډول خپلواکو سياستوالو سره سياسي چارو لپاره مرسته وکړئ او موږ سره سياست کې هرومرو ونډه واخلئ، پر موږ باور وکړئ او د تلپاتې سولې، خپلواکۍ او ځانبسياينې لپاره موږ سره ملګري شئ، موږ ډاډه يو چې هېواد هغه وخت خپلواک، پر ځان بسيا، پرتمين او پرمختللى کېداى شي چې:
١. هېوادوال له خپلواکو سياستوالو سره مرسته، همکاري وکړي او سياسي چارو کې ونډه واخلي. ٢. د ټاکنو خپلواک کمېسيون رڼې ټاکنې ترسره کړي.
د لومړۍ لپاره موږ له تېرو څو لسيزو هڅې کړي او ډاډه يو چې ولس زموږ مرسته کوي، موږ له ولس سره کار کوو او د خپلواک سياست په لور مو خوځښت پيل کړى دى. دويم: د رڼو ټاکنو لپاره موږ نوماندانو، حکومت، د ټاکنو خپلواک کمېسيون، د ټاکنو ملاتړو لوديځوالو هېوادونو، ملګروملتونو ادارو، يوناما، د ټاکنو ملاتړ پروژې او نورو اړوند لوريو ته د ولسمشرۍ له نومليکنې وړاندې او د نومليکنې پر وخت وړانديز وکړ: راځئ، لومړى په ګډه د رڼو ټاکنو د ترسره کېدو لپاره بنسټيزې هڅې وکړو. د رڼو ټاکنو لپاره د ټاکنو درې پړاونه، د ټولنيز عدالت پر بنسټ د رايې د مرکزونو وېش، د رايه ورکوونکو کره راجسټر او پر هغه وخت د رايو شمېرنه او چېرته چې ټاکنې نه ترسره کېږي، هلته د ولس حق بايد په بله بڼه ورکړل شي، همدارنګه مو په ټينګار ورته وويل چې تېرو ټاکنو کې حکومت په ټاکنو لوبې کړي او کوي يې نو د رايو مرکزونه، رايه ورکول، او د رايو شمېرل بايد د بڼوپېژندنې (بايوميټريک) سيستم سره تړلى وي چې په مرسته يې د راجسټر، پېژندلو، رايه ورکولو او سمدلاسه شمېرلو پروسه کره او له هر ډول جعلکاريو خوندي وي. رايه ورکول په رايې پاڼه او هم په ماشيني ډول وي او رايه بايد سمدلاسه د ټولو پر وړاندې د ټاکنو په ورځ په مرکزونو کې وشمېرل او اعلان شي. ماشيني د شمېر سيستم بايد په ځنځيريز تړاو (بلاکچېن) سمبال وي ترڅو لاسوهنې ناشونې شي او د بيا شمېرنې وړ وي، که حکومت دا وړتيا نلري موږ يې وړيا ورکوو. يوځل بيا ټينګار سره وايم، که رڼې ټاکنې ترسره نشي په هېواد کې جګړه، يرغلونه او پرديپالنې پاى نه مومي.
نور رحمان لېوال١٣٩٨ ولسمشرۍ خپلواک نوماند
ټاکنيزه چيغه مسوليت او عدالت
تړاو کاپي کاپي شو
2019-08-10 10:00:00
سلامونه قدرمنو هېوادوالو!
اختر مو مبارک شه، زه پوهېږم چې په هېواد کې د تپلشويو ناخوالو له امله ډېرى هېوادوال د وير په ټغر ناست دي، هغوى ته دې خداى پاک ډېر اجرونه ورکړي، په درد يې ډېر غمجن يم. هيله ده، دا اختر په سوله او خوشالۍ کې تېر کړئ، د نيکمرغۍ ځاى دى، چې هر لور ته د سولې خبرې کېږې، خو تلپاتې سولې، خپلواکۍ او ځانبسياينې لپاره په ملي، حکومتي او دولتي کچه ژور سمون ته اړتيا ده، چې زما د پروګرامونو له لارې راتلاى شي، خوشاله يم چې لاندې د پروګرامونو لنډيزونه درسره شريکوم:
١- دوه جوپې حکومتولي: د عدالت راوستلو او د پسات (فساد) له منځه وړلو لپاره، اوسني دولتي کارکوونکي پر خپل ځاى، د دويمې جوپې لپاره نوې ګمارنې.
٢- بشپړه ډيجيټل حکومتولي: له کوره دولتي اسانتياوو ترلاسه او د شته حکومتولۍ ٣٠سلنه وړتيا، ٨٠ سلنې ته لوړول.
٣- بېکاري له منځه وړل: يو ميليون دندې، د لېوال حکومت لومړيو دېرشو ورځو کې را منځته کول، په دولتي چارو کې د سمون له امله دويم ميليون نوې دندې په درې مياشتو کې، پنځه ميليونه نوې دندې تر دريم کاله او ټولې لس ميليونه دندې، د لېوال حکومت د پنځم کال ترپايه رامنځته کول.
٤-د تلپاتې خپلواکي لپاره: د اړتيا وړ، له ٨٥ زره توکو، پيداوارو، مهارتونو او اسانتياوو څخه چې اوس شاوخوا ٢٥سلنه هېوادوال پوره کوي،٨٠ سلنه په هېواد کې دننه د پوره کولو لپاره هوډ او پروګرامونه.
٥- د کډوالو هېوادوالو راستنول: په ګاونډيو هېوادو کې د کډوالو هېوادوالو د راستنېدو لپاره، شپږو مياشتو کې په هېواد کې دننه کور، د کرنې ځمکې او دندې ورکول.
٦- امنيت راوستل: عمومي بښنه اعلانول، د اغواګرو پرځاى محاکمه کول او په غلو له سختو چارو ترسره کولو سره بند تېرول.
٧-ملي يووالى راوستل: لومړيو درې مياشتو کې د ټکنالوژۍ پرمټ، په هېواد کې کره وګړشمېرنه پيلول او هرومرو ترسره کول.
٨-د ځان بسياينې لپاره: کرنې/مالدارۍ، روغتيا او امنيتي چارو کې د ملي بوديجې ډېرى برخه لګول، پايله کې په ٢ مياشتو کې په سبو،درې مياشتو کې په مرغانو، يو کال کې په غلو دانو او دوه کالو کې په غوښو د هېوادوالو بسيا کول.
٩- ساتنه او ژغورنه: دفاعي چارو کې د مکلفيت او مسلکي دورو موازي پرمختګ پيلول، د پوځونو او د دوى د درنو کورنيو د ملاتړ سرچينې لوړول.
١٠- پوهنه اسانه کول: د لېرې څخه زده کړو په مرسته د لوستو اوسنۍ کچه له ٢٥٪ څخه ٨٠٪ ته لوړول، ښوونکو او د دوى د درنو کورنيو د ملاتړ سرچينې لوړول.
پورتنى لس چارې به عدالت او د ولس د اړتياوو پوره کولو لپاره اسانتياوې رامنځته کړي، چې پايله کې به جګړې پخپله پاى ومومي. سپارښتنه مې داده چې د پرديو ډنډورې شنډې کړئ، چې وايي "رايې ارزښت نه لري او ولسمشر له بهره تپل کېږي"، خپل سياسې برخليک ټاکلو کې زموږ په ډول خپلواکو سياستوالو سره مرسته وکړئ او موږ سره سياست کې هرومرو ونډه واخلئ، پر موږ باور وکړئ او د تلپاتې سولې، خپلواکۍ او ځانبسياينې لپاره موږ سره ملګري شئ.
زموږ بريا به ان شاء الله د هر افغان بريا وي،
سر لوړى او تل دې وي افغانستان.
ستاسې،
نور رحمان لېوال
١٣٩٨ ولسمشرۍ ته نوماند
تړاو کاپي کاپي شو
2019-07-06 19:00:00
دا ليکنه په انګريزي کې لوستلاى شئ، يو څه برخې پښتو ته ژباړل شوي او پښتو ژباړه تر کار لاندې ده، ډېر ژر به يې همدلته لولئ.
د انګريزى پيډيپ جوړښت ښکته کړئ
افغانستان کې د نابرياليو او لانجمنو ټاکنو ترشا د ملګروملتو د ادارو او ځينو بهرنيو سفارتونو موازي پاچاهۍ دي
...
اوس جنګسالاران د افغانستان د سياست تر ټولو وړ توکي دي، د ولسواکۍ د کچې په نيوليک کې د تېرو ١٨ کلونو لاسته راوړنو سره افغانستان د زورواکي درجه خپلوي، بشپړه ولسواکې چې د ګوتو په شمار اروپايي هېوادونه يې تجربه کوي پرځاى پريږدو، نيمګړې ولسواکې يا ډيموکراسي د متحده ايالاتو ته لا نږدې هم نه يو او د پاکستان ارجلواکي ته به هغه وخت خوځښت وکړو که لاندې بنسټيزې ستونزې د ١٣٩٨ ولسمشريزو ټاکنو څخه وړاندې حل کړو.
１-اوسنى غيرقانوني حکومت قانوني کول
د اساسي قانون په بډ يا خلاف او د دوو نوماندانو ډاکټرغني او ډاکټرعبدالله ترمنځ د غيرقانوني جوړجاړي له لارې او له پساته(فساد) ډک حکومت ددې جوګه نه دى چې د منلو وړ ټاکنې اداره کړي نو ځکه په بيړني ډول يو بېپرې ځايناستي حکومت رامنځته کيدو ته اړتيا ده چې رڼې، عادلانه او خپلواکې ولسمشريزې ټاکنې ترسره کړي او پايلي يې ټولو ته د منلو وړ وي. ترټولو ارزانه، اسانه او غوره لار داده چې اوسني د ولسمشرۍ نوماندان خپلمنځي ټاکنې ترسره کړي او له دغه منځ څخه د رڼو ټاکنو په ترڅ کې يو کس د ځايناستي ولسمشر په توګه وټاکل شي او پاته نورو نوماندانو څخه ملي جرګه جوړه شي چې ځايناستي حکومتولي، ټاکنې او سوليز د واک ليږد څخه څارنه وکړي.
که هر څوک د ځايناستي حکومت ملاتړ نه کوي نو په ډاډ سره ويلى شو چې دوى له پسات، جګړو او تپلشويو ټاکنو څخه ګټه پورته کوونکي دي او د ملت غم ورسره نشته. همدارنګه ځايناستى حکومت به ټاکنو کې د طالبانو ګډون ته لاره پرانيځي او تلپاتې سوله به ولرو. په ياد ساتې چې د ډاکټرغني غيرقانوني حکومت سره طالبان په کابل کې يا هم په دوحه کې د کرزي او ټپلې ترسيوري لاندې د سولې خبرو کې وړ پايلې ته نشي رسيدلاى.
２- په تخنيکې ډول د ټاکنو د کمېسيون د رايو سېستم له درغليو خوندي کول په ځانګړي ډول د پايلو شمېرل
که څه نا څه د باور وړ د ١٣٩٨ ولسمشرۍ ټاکنې غواړو نو پرته له دې چې د ټاکنو بهېر کې نومليکنه، پېژندنه، رايه ورکول او رايه شمېرل د بڼوپيژندنې يا بايوميټريک او ځنځيريزتړاو يا بلاکچېن په مرسته ترسره شي بله لار نه لرو، موږ چمتو يو چې ټولو د بهير اړوند لوريو سره همکاري وکړو او ان تر دې چې د رڼو ټاکنو سېستم وړيا ورکړو. که د ټاکنو پورتنۍ ټولې پروسې بڼوپېژندنې يا بايوميټريک نه شي او د اوسني مهالوېش لمخې په بيړني ډول ټاکنې ترسره شي، په هېواد کې به سياسي ټيکاو نور هم ټکنى کړي چې د ټولو لپاره به له غميزو ډک، د شرم وړ او د ډېرو قيمتي سرچينو او وخت له لاسه ورکولو پرته به بل څه نه وي.
３-بوديجه او مسوليت هغو ته سپارل چې په پاى کې مسول او حسابورکوونکي وي
موږ د افغانستان د ټاکنو ملاتړ ګروپ ته سپارښتنه کوو چې بايد د بېمسوليتيو د مخنيوي لپاره د ټاکنو د داسې بهېر ملاتړ وکړي چې لارښوونه او څښتنولي يې د افغانانو وي ترڅو يو لورى د مسوليت او حساب ورکولو لپاره ولرو، که داسې نشئ کولائ، غوره به وي خپل ملاتړ بند کړئ، ترڅو افغانستان د ټاکنو لپاره خپلي سرچينې پيدا کړي. په اوسنې حالت کې چې د ټاکنو بهېر د ملګروملتو تر واک لاندې دى، د دوى د کارکوونکو خونديتوب يا مصونيت او په ځانګړي ډول د ملګروملتو د ټاکنو د ملاتړ پروژه او نور اړوند لوري چې په پسات، خېښپالنه او بيوروکراسي کې ډوب دي، د ټاکنو ساده بهېر په اسانۍ سره ډېر پيچلې، بې مسؤليته او له پساته ډکوي، ځکه چې د دوى له منځه څوک مسؤل، حساب ورکوونکي او د افغانستان د قانون لاندې نشي مجازات کېداى.
４-د ټاکنو کمېسيون په ريښتوني ډول خپلواک او مسؤل کول
کله چې د ټاکنو د کميسيون کمېشنران په روڼتيا سره د ولسمشرى د ١٧ نوماندانو لخوا د رايو په ورکولو سره وټاکل شول، د خپلواکۍ لپاره د افغانانو لخوا دا يو مهم سمون او پرمختګ وګڼل شو، خو ډېر ژر د ډاکټرغني غيرقانوني حکومت له خوا کمشنران يرغمل شول، ډېرى کمېشنرانو موږ ته ويلي چې حکومت ګواښلي او بنديز يې پرې لګولى، چې پرته له حکومتي چارواکو که دوى له نوماندانو سره ليدنې کتنې وکړې نو دوى به هم د پخوانيو کمېشنرانو په ناوړه برخليک اخته کړي. د حيرانتيا خبره ده چې د تورن او منحل شوي ټاکنو کمېسيون ټولې ټاکنيزې پايلې حکومت ته د منلو وړدي خو کمېشنران يې په غيرقانوني ډول له دندو وشړل او تر سياسي اغېز لاندې يې په غيرقانوني ډول څاري، ربړوي او محاکمه کوي.
د اپريل په ٢٨مه د ولسمشرۍ ١٢ نوماندو او سياسي ګوندونو زه د هغې جرګګۍ يا کميټې مشر وټاکلم چې د دوى د تخنيکي غړو څخه جوړه شوه، ترڅو د کمېسيون او نوماندانو ترمنځ تخنيکي همکاري، په ځانګړي ډول د مالوماتي ټکنالوژۍ او بڼوپېژندنې يا بايومټريک سيستم په برخه کې همغږي او پوهاوى رامنځ ته کړو. موږ په دې اړه د ټاکنو کمېسيون د تخنيکي ارزونو لپاره رسمي غوښتنه وکړه، خو له بده مرغه له هغه راهيسې يوازې وعدې وشوې او تر اوسه يې د تخنيکي ارزونې لپاره له کمېسيون څخه ليدنه برابره نه کړه. موږ کره مالومات لرو چې د ټاکنو کمېسيون کې د پايلو د شمېرلو سيستم په بشپړ ډول ناوړه او د درغليو لپاره جوړ دى، چې د ولسمشرۍ ټاکنو څخه وړاندې بايد دا سيستم جوړ شي. موږ روڼ، ډاډمن او له درغليو پاک سيستم ته اړتيا لرو چې هره برخه او کړنې يې په ښکاره ډول ټولو نوماندانو او هېوادوالو ته د پوهېدو او منلو وړ وي او هېڅ شى پټ نه وي.
په دغه ليکنه کې کېداى شي چې زه نااميده ښکاره شم خو په افغانستان کې روانې چارې چې د ميلونونو افغانانو او په نړۍ کې د نورو خلکو د سرښندنو او کړاونو لامل کېږي، هغه وخت سمون مومي، که چېرته موږ د هغو کسانو او ادارو په کړووړو کې سمون رامنځ کړو چې د ملګرو ملتونو او نور ملاتړو له خوا په دندو ګمارل شوي او دوى د خپلو غيرعملي اندونو له تپولو څخه ډډه وکړي، ځايي نوښتونو ته درناوى وکړي ترڅو ځايي ستونزې له منځه يوسي. که داسې ونه کړو، افغان جګړه به دوام مومي او دغه حالت کې به د ګوتو په شمار يو څو کسان غيرقانوني د پاچاهي ژوند څخه برخمن وي نو ځکه ستر بدلون ته اړتيا ده که نه بېګناه وګړي به خپل ژوند له لاسه ورکوي.
زه هيله لرم چې زموږ کتنې، تجربې او موندنې د هغو بدلونو لامل شي چې د ملګرو ملتونو ټول غړي او دولتونه يې د بشردوستۍ پربنسټ غواړي چې د دوى وګړو د مالياتو راټوليشوې پيسې چې د ملګرو ملتونو شتون او په نړۍ کې د ملګرو ملتونو د بشري کړنو لپاره کارېږي رڼې وي. همدارنګه کبرجنو غربي ډيپلومتانو ته وايو چې خپلو کړووړو او تګلارو کې بدلون راولئ او زموږ د زرګونو کلونو هغه تاريخ څخه وشرمېږئ چې نه يوازې خپلې حکومتولۍ مو لرلې بلکې پر سيمه موهم حکومتونه کړي دي.
وروستی خو ډېره ارزښتمنه خبره داده چې زه په ډېر ټينګار سره ويلى شم چې د ځايناستي حکومت جوړول د عادلانه، خپلواکو او رڼو ولسمشريزو ټولټاکنو لپاره خورا اړين دى، همدارنګه ځايناستى حکومت د قانون برخه کولو سره به د راتلونکو حکومتونو سمونې، څارنې، امنيت او سوکالۍ کې ستره مرسته وکړي.
نور رحمان لېوال، د ١٣٩٨ ولسمشرۍ نوماند، ١٣٩٣ ولسمشرۍ نومولى، يو په هېواد مين، د مالوماتي ټيکنالوژي ماهر، مخکښ، نوښتګر، ملي او نړيوال سوداګر دى، چې ګڼو هېوادو کې کمپنيو او پښتو ټيوي څښتن دى. حکومتونو، مجاهدينو، ملګروملتو، خيره موسيسو او ګڼو رسنيو سره يې دندې ترسره کړي. دوى سره nrliwal.com او @nrLiwal له لارې اړيکې کولاى شئ.
تړاو کاپي کاپي شو
2019-06-13 20:00:00
نن ماښام ناوخته مو د ولسې جرګې د ناخوښو ښځينه نوماندانو کېږدۍ څخه ليدنه وکړه چې د ارګ ديوال سره يې خپل سوليز پرلت له تېرو څو مياشتو جاري ساتلى وو، موږ يې د همت ستاينه کوو چې له حکومت او کميسيون څخه خپل قانوني حق غواړي.
خو پرون چې حکومتي چارواکو په ډېره بېرحمۍ، غيراخلاقي اوغير قانوني ډول ددغو اغليو ناسته چې هېڅ چاته يې هېڅ ډول خنډ نه وو، خو د ناوړه حکومتولۍ او له درغليو ډکو ټاکنو پايله يې ولس او نړيوالو ته څرګندوله چې ناوړه ځايناستي حکومت يې نشي زغملاى، ځکه يې د دوى کېږدۍ په اوبيزتوپ ويشتله، موږ د حکومت دا تېرى په کلکو ټکو غندو او د اړوند چارواکو مجازات او ناخوښو نوماندانو ته د عدالت غوښتوونکي يو.
نوررحمان لېوال
د ولسمشرۍ لپاره
تړاو کاپي کاپي شو
2019-06-03 20:45:19
قدرمنو ملاتړو، مينوالو، هېوادوالو او ټولو مسلمانانو ته خپله او د مسوليت او عدالت ډلې په استازيتوب د نېکمرغه کمکي اختر مبارکي د زړه له تله وړاندې کوم. لوى څښتن ج مو په خپل دربار کې روژې، تراوې (تراويح)، مرستې او ټولې لمانځنې له سترو اجرونو سره قبولې کړه. لوى څښتن ج څخه مو هيله ده چې ستاسي د مبارکې روژې اوعباداتو په برکت، ګران هېواد کې سوله، امن او هوساينه راولي.
يادونه کوو، چې د بېوزله هېوادوالو مرسته چې د دولت دنده ده، خو اوس يې لاسنيوى تاسي ته در په غاړه دى، په ځانګړي ډول د يتيمانو، کونډو، ټپيانو، معيوبينو او نورو جګړو او ناخوالو ځپلو هېوادوالو مرسته کول له پامه مه غورځوئ.
د لوى څښتن ج او ستاسو په مرسته د مسوليت اوعدالت ډلې نوښتګر پروګرامونه به افغان شخړيز دولت په يو ښيګڼيز دولت بدل کړي. موږ ژمنه کوو چې که تاسې مرسته وکړه او الله ج غوښتي وو، زموږ ښيګڼيز دولت به د ولس د روغتيا او هوساينې خيال ساتي، په ځانګړې توګه د اړو کسانو مالي او نورې ټولنېزې اړتياوې به د مرستو، تقاعداتو او نورو ګټورو چارو له لارې پوره کوي.
په هېواد کې ناخوالې ډېرې دي، کورنۍ جګړه چې بهرنيانو د مرستو په نوم تپلې روانه ده. پر کابل د تپلشوي حکومت څه ناڅه قانوني بڼه د غبرګولي په ١ نېټې پاى ته ورسيده. ښکيلو په غيرقانوني ډول خپله واکمني وغځوله، د رڼو ټاکنو لپاره يې ټول قوانين ترپښو لاندې کړل او لا يې کوي، خو موږ همت لرو او ستاسې په ملګرتيا به دغه ناخوالې په سياست، تدبير، حکمت او هوښيارۍ له منځه وړو، زموږ او ستاسې همغږي به له خيره سره جګړې پرته له جګړو ګټي او د هېواد پرتمين شان به بېرته ترلاسه کوو. لوى څښتن ج د موږ ته سمه لار وښيي، هغه سپيڅلې او تلپاتې پياوړي ته لاس په دعا يو چې د حق لپاره له تاسې سره هغه زموږ ملاتړى او مرستندوى شي. امين.
تل دې وي افغانستان، سرلوړي دې وي افغانان، اختر مو بختور.
نور رحمان لېوال
د ولسمشرۍ لپاره
د مسوليت او عدالت ډلې مشر
يادونه کوو، چې د بېوزله هېوادوالو مرسته چې د دولت دنده ده، خو اوس يې لاسنيوى تاسي ته در په غاړه دى، په ځانګړي ډول د يتيمانو، کونډو، ټپيانو، معيوبينو او نورو جګړو او ناخوالو ځپلو هېوادوالو مرسته کول له پامه مه غورځوئ.
د لوى څښتن ج او ستاسو په مرسته د مسوليت اوعدالت ډلې نوښتګر پروګرامونه به افغان شخړيز دولت په يو ښيګڼيز دولت بدل کړي. موږ ژمنه کوو چې که تاسې مرسته وکړه او الله ج غوښتي وو، زموږ ښيګڼيز دولت به د ولس د روغتيا او هوساينې خيال ساتي، په ځانګړې توګه د اړو کسانو مالي او نورې ټولنېزې اړتياوې به د مرستو، تقاعداتو او نورو ګټورو چارو له لارې پوره کوي.
په هېواد کې ناخوالې ډېرې دي، کورنۍ جګړه چې بهرنيانو د مرستو په نوم تپلې روانه ده. پر کابل د تپلشوي حکومت څه ناڅه قانوني بڼه د غبرګولي په ١ نېټې پاى ته ورسيده. ښکيلو په غيرقانوني ډول خپله واکمني وغځوله، د رڼو ټاکنو لپاره يې ټول قوانين ترپښو لاندې کړل او لا يې کوي، خو موږ همت لرو او ستاسې په ملګرتيا به دغه ناخوالې په سياست، تدبير، حکمت او هوښيارۍ له منځه وړو، زموږ او ستاسې همغږي به له خيره سره جګړې پرته له جګړو ګټي او د هېواد پرتمين شان به بېرته ترلاسه کوو. لوى څښتن ج د موږ ته سمه لار وښيي، هغه سپيڅلې او تلپاتې پياوړي ته لاس په دعا يو چې د حق لپاره له تاسې سره هغه زموږ ملاتړى او مرستندوى شي. امين.
تل دې وي افغانستان، سرلوړي دې وي افغانان، اختر مو بختور.
نور رحمان لېوال
د ولسمشرۍ لپاره
د مسوليت او عدالت ډلې مشر
تړاو کاپي کاپي شو
2019-05-22 10:00:00
موږ په ولس حکومت او سياستوالو غږ کوو چې له پوره زغم څخه کارواخلي، دلته حکومت او سياستوال دواړه له يو ګونګ حالت سره مخ دي چې قانوني سپيناوي نلري. بايد ټول لوري خبرې، سياست او حکمت وکړئ.
زموږ په هېواد کې ستونزه داده، هغوى چې قوانين جوړوي، تر پښو لاندې کوونکي يي هم تر ډېره دوى وي. لبدمرغه قانون يوازې د بيوزله ولس د زبېښاک لپاره د پساتګرو د پسات(فساد) اله ګرځېدلاى. سياستوال د ولس د پرمختګ پرځاى قانون د واک ترلاسي، د هغه د غځولو او ځواک کې پاتېکيدلو لپاره کاروي. د سياستوالو قانون ته درناوى په هېواد کې د سياسي ټيکاو يا ثبات لامل کېږي، چېرته چې سياسي ټيکاو نه وي هلته سوله او امنيت نشي راتلاى او د دوى په نه شتون کې پرمختګ نشي کېداى.
سياستوال بايد په هر ډول چې وي سياسي ټيکاو له ستونزو سره مخ نکړي، کله چې سياسي ټيکاو نه وي، عام ولس له مالي او ځاني زيانونو سره مخکېږي. له سياستوالو مو هيله ده پر ولس رحم وکړي.له خپل پتمن ولس څخه مو هيله ده چې دوى بېپرې پاتې شي، حکومت او ولسمشرۍ نوماندان اړ کړي چې سياسي کړکيچ ته ژرترژره خپلمنځي حل وباسي.
په حکومت غږ کوو چې ډېر ژر د ولسمشرۍ نوماندانو سره د خبرواترو لپاره تيارى ونيسي پرينږدي چې د هېواد دښمنان له دغه سياسي کړکيچ څخه ناوړه ګټه پورته کړي.
نور رحمان لېوال،
ولسمشرۍ لپاره
څلورنۍ، د غبرګولي ١، ١٣٩٨، کابل
تړاو کاپي کاپي شو
2019-04-30 16:00:00
د تلپاتې سولې لپاره ځينې مشورې او شرتونه لاندې کېداى شئ:
١.د متحده ايالاتو پوځونو وتلو لپاره موده وټاکئ او که پاته کېږي شرتونه ورته وړاندې کړئ؟
٢.د کابل حکومت څخه وغواړئ چې داسي ځايناستى ولسمشر ته واک وسپاري چې ټولو لوريو ته د سولې راوستلو لپاره د منلو وړ وي.
٣.اوربند دې وشي، هر لوري چې په کوم ځاى کې واک لري د اړوند ځاى امنيتي چاري دې سمبال کړي، د هر ډول ناوړه پيښي مسوليت به يې تر هغه وخته د هغو په غاړه وي چې ځايناستى حکومت ته د سېمي واک او مسوليت سپاري.
٤.ځايناستى حکومت دې عمومي بخښنه وکړي او پرته له انسان تښتونکو نور ټول بنديان دي وبخښل شي.
٥.ځايناستى حکومت دې ټولمنلې ټاکني ترسره کړي، ترڅو راتلونکى حکومت د ټولو په خوښه جوړ شي.
٦.که چاد ځايناستى حکومت خلاف جګړه ترسره کوله، ټول ملت به يې پر وړاندي دريږي.
تړاو کاپي کاپي شو
2019-02-02 12:42:06
سوله د افغان ولس غوښتنه او حق دى، خو دغې غوښتنې او حق ته د ځينو له واک او ځواک سره ليونۍ مينه او ځانغوښتنې خنډ دي، په اوسني وخت کې سوله د ارګ او بډيالو يا مخالفينو قرباني ته سخته اړتيا لري، همدارنګه ټولو ته دا هم په زغرده ويلاى شو چې په افغانستان کې جګړه د پرديو په ګټه ده.
تراوسه د سولې خبرو کې يوه بنسټيزه ستونزه داده چې دلته جګړه مار لوري د امريکا متحده ايالات + ناټو، د کابل حکومتوالو او وسلوالو بډيالو يا تالبانو د سولې غوښتنې سره همغږي شوي نه دي. کله يو لورى او کله دوه د سولې په خبرو کې پرته له دريمګړو چې پرېکړه وروکړي خبرې کوي، پردغه ډول خبرو ډېرى وخت دا شک کېداى شي چې سوله د نورو د سياسي او سټراتيژيکو موخو لپاره قرباني کېږي.
د متحده ايالاتو او تالبانو د سولې په اړه نيغې خبرې خورا مهمې ځکه دي چې دلته جګړه متحده ايالاتو پيل کړې او سوله هم دوى کولاى شي، د جګړې بل لورى د ارګ په مشرۍ د کابل حکومت دى چې د خپل واک او ځواک لپاره له هېڅ روا او ناروا څخه دريغ نه کوي د دوى سوله او جګړه هم د متحده ايالاتو په دريځ او د دوى واک کې پاته کېدو پورې تړلې، که دوى واک کې وي سوله ده او که نه جګړه ده.
رئيس جمهور غني او تالبانو ته مو مشوره ده چې غني بايد د کابل د ادارې د تېرو ١٨ کلونو تش په نوم لاسته راوړنې چې يو ناکاره، غيرعادل او له پساده ډک حکومت دى دوام سولې ته خنډ نه کړي او تالبان هم بايد د امارت له غوښتنې سره دومره مينه ونه کړي چې سولې ته خنډ شي، د هېواد سياسي چارو کې د تالبانو ګډون د دوى حق دى خو ملي بنسټونو او نظام کې سمون بايد د ټولو هېوادولو په خوښه وي او ناوړه تاريخ بايد تکرار نه شي.
همدارنګه په غني او تالبانو غږ کوو چې سوله هغه وخت راتلاى شي چې تاسې او متحده ايالات خپلې د سولې خبرې سره همغږې کړئ، په هېواد يا نړۍ کې د سولې خبرې داسې دريمګړو ته وسپارئ چې په جګړه کې ښکليو لوريو پورې تړلې نه وي، که نه تاريخ به دا ليکي چې تاسې سوله هم د جګړې لپاره کاروله.
تړاو کاپي کاپي شو
2019-01-20 18:30:51
بسم الله الرحمن الرحيم
محترمو د رسنيو ملګرو، استازو، قدرمنو هېوادوالو چې څوک مې غږ اورئ او څوک مې وينئ. السلام عليكم ورحمة الله وبركاته
تر ټولو مخکې غواړم مسنونه طريقه وکاروم او تاسو ته خپل ځان لنډ دروپېژنم:
نور رحمان لېوال يم، د ١٣٩٣ ولسمشريزو ټاکنو ته هم نوماند وم، له همدې کمېسيون، په همدې تالار کې مو بيانيه ورکړې وه. څه وعدې مو کړې وې، خو له بدمرغه د ځينو ستونزو له امله چې په کمېسيون کې او د هغه وخت په حکومت کې وې، موږ ونه توانېدلو چې هغه وعدې مو چې تاسو سره کړې وې، پوره کړو.
دا دى پنځه کاله وروسته يوځل بيا د يو داسې نوماند په توګه تاسې ته راڅرګندېږم چې په افغانستان کې يوازنى دى، چې په خپل هوډ ولاړ دى، ستاسو لپاره کار کوي، پروګرامونه جوړوي، او زما پروګرامونه به د نورو نوماندانو نه ځانګړي وي، خاص به وي، او د نننۍ نړۍ په نويو تخنيکونو به ولاړ وي.
تر ټولو وړاندې غواړم چې خپلو هېوادوالو ته دا پيغام واوروم چې موږ او زما ملګري غواړو داسې افغانستان جوړ کړو چې په هغه کې ولس پياوړى شي، نه پياوړى حکومت، دلته ستونزه داده چې حکومتونه دومره پياوړي شوي، او له بدمرغه ځينې يې له بهر نه تپل شوي چې ولس يې تر ننه پورې له ډېرو کړاونو سره لاس او ګرېوان کړى. زموږ پروګرام به دا وي قدرمنه ولسه، که زموږ سره مو تګ وکړو او زه ډاډه يم چې تاسې به يې کوئ ان شاء الله، موږ به د ولس لپاره کار کوو، موږ د حکومت لپاره کار نه کوو.
زموږ لپاره د حکومت نېږدې پنځه لکه تر يو ميليون څوکۍ هېڅ اهميت نه لري، تاسې وليدل چې په روانه دوره کې د اوسني حکومت تقريبا ډېره انرژي په دغه له پنځو لکو نه تر يو ميليونه دولتي او حکومتي پوستونو کې ضايع کېږي. د افغانستان نېږدې پنځه څلوېښت ميليونه نفوس چې شاوخوا تردې به لا ډېر وي او له بدمرغه چې دا هم د حکومت ستونزه ده چې تراوسه د خپل ولس شمېر لا نه پېژني.
زمونږه تېر او ننني حکومتونو دا وړتيا هم نه درلوده چې خپل خلک وشمېري کنې دا خو پرېږده چې د دوى لپاره څه نوښت وکړي يا څه کار وکړي. ترننه پورې د خلکو بچي چې نوي پيدا کېږي د نننۍ نړۍ له کمپيوټرو او تخنيک سره دوى حتا هغه راجستر کولى نشي، او د شرم ځاى خو لا دادى چې ګوره سره له دې چې مونږ او تاسې په تېر حکومت کې دې الکټرونيکي تذکرو لپاره نېږدې په ميليونونو څه چې ميلياردونو افغانيو سيستم واخيسته، هغه سيستمونه هلته پراته دي خلک پراته دي خو خلکو ته په يوه ورقه باندې چې نېږدې څلور سوه، پنځه سوه کاله مخکې هغسې ورقه خلکو ته ورکول کېده زموږ ولس ته نن هم همغه ورقه ورکول کېږي وايي دا ستا پېژندپاڼه ده.
دا يې لا بله بې عدالتي، ددې پرځاى چې د ولسي جرګې ټاکنو کې د نوي تخنيک، د نوې تکنالوژۍ څخه کار واخلي په هغه څلور سوه کلنو مخکو تذکرو باندې بيا بل زوړ سټيکر ولګاوه. دا ددې حکومت ترټولو ستره نا دوده ده له ټاکنو سره چې موږ يې په کلکو ټکو غندو.
دلته تر ټولو ستره ستونزه د بې عدالتۍ ده، د ټولو ستونزو مور بې عدالتي ده، دلته ځينې واړه واړه پرمختګونه شوي دي، خو د بې عدالتۍ عوج دى، که هغه په حکومت کې دى که هغه له حکومته ديباندې دى. په لکونو هېوادوال شهيدانېږي، ټپيان کېږي، له ستونزو، له بې وزلۍ سره مخ کېږي هېڅ څوک په دې حکومت کې داسې نه وو چې هغه ته وګوري او د هغو غږ واوري، بلکې دا هڅه شوې ده، چا چې دلته جګړه پيل کړې ده هغوى وايي چې موږ جګړه په شپږو مياشتو کې ختموو، خو څوک چې د واک او د قدرت وږي دي هغه وايي موږ پنځه کاله نور د جګړې د اوږدولو لپاره پروګرام لرو. موږ د افغانانو لپاره، د افغانانو په خوښه سوله غواړو، پرمختګ غواړو او سوکاله ژوند غواړو.
که زه د اوسني حکومت يا له دې نه مخکېنيو حکومتونو په ناخوالو باندې بحث کوم، دا به ډېر وخت واخلي او تاسو ټولو ته پته ده ځکه چې تاسې ټول کړېدلي يئ، زما يقين دى چې په دغو ملګرو کې دا دلته چې څوک دي او ما چې څوک اوري، هرومرو د دغو حکومتونو نه په يو نه يو ډول زيانمن شوي دي. او د هغې وجه يوازېنۍ يوه ده چې بې مسوليتي ده. موږ د خپل مسوليت احساس نه دى کړې.
په سياست کې زموږ ترټولو غټه ستونزه داده چې موږ پرديو فلسفو او پرديو تګلارو کې ورک يو، خپل ارزښتونه مو پريښي دي، خپلو ارزښتونو باندې پښې کېږدو د ځينو وړو وړو ګټو لپاره، زما له ټولو خپلو سياستوالو څخه هيله ده چې خپلو ارزښتونو ته پام وکړئ، خپل ولس سره لاړ شئ، زموږ ډېر پتمن ولس دى، دغه تړاکونه چې په دې ولس باندې د هر زبرځواکي لخوا راغلي دي، که بل هر ولس وى، نن به د نړۍ په مخ نه وو، زه خپل ولس ته سلام کوم ســــلام.
ډېره مننه کوم د ګران وياړ صېب نه چې زموږ د ډلې، ټيم يا ملګرو نوم يې واخيست، زموږ نوم دى د مسوليت او عدالت ډله يا ملګري، وياړم پر دوى باندې.
رابه شم ځينو هغه ناخوالو ته چې زموږ په حکومت کې به ورته لومړيتوب ورکول کېږي، ځينو هغه پرمختګونو ته چې زموږ حکومت به ورته لومړيتوب ورکوي. بيا هم ټينګار کوم چې زموږه په حکومت کې هر پروګرام به د ولس سره په مشوره کېږي په خوښه به کېږي. موږ ولس ته، اې د افغانستان قدرمن ولسه موږ تاسو ته غوږ نيسو، موږ ته ووايئ موږ چې هر څه کوو تاسو سره يې په مشوره کوو.
زموږ لومړنى پروګرام به د سولې راتګ وي.
زه اورم چې ځينې ملګري وايي چې خبرې زموږ اوږدېږي، تاسو ټولو نه مننه کوم الله تعالى مو ژوندي لره سرلوړى دې وي افغانستان.
محترمو د رسنيو ملګرو، استازو، قدرمنو هېوادوالو چې څوک مې غږ اورئ او څوک مې وينئ. السلام عليكم ورحمة الله وبركاته
تر ټولو مخکې غواړم مسنونه طريقه وکاروم او تاسو ته خپل ځان لنډ دروپېژنم:
نور رحمان لېوال يم، د ١٣٩٣ ولسمشريزو ټاکنو ته هم نوماند وم، له همدې کمېسيون، په همدې تالار کې مو بيانيه ورکړې وه. څه وعدې مو کړې وې، خو له بدمرغه د ځينو ستونزو له امله چې په کمېسيون کې او د هغه وخت په حکومت کې وې، موږ ونه توانېدلو چې هغه وعدې مو چې تاسو سره کړې وې، پوره کړو.
دا دى پنځه کاله وروسته يوځل بيا د يو داسې نوماند په توګه تاسې ته راڅرګندېږم چې په افغانستان کې يوازنى دى، چې په خپل هوډ ولاړ دى، ستاسو لپاره کار کوي، پروګرامونه جوړوي، او زما پروګرامونه به د نورو نوماندانو نه ځانګړي وي، خاص به وي، او د نننۍ نړۍ په نويو تخنيکونو به ولاړ وي.
تر ټولو وړاندې غواړم چې خپلو هېوادوالو ته دا پيغام واوروم چې موږ او زما ملګري غواړو داسې افغانستان جوړ کړو چې په هغه کې ولس پياوړى شي، نه پياوړى حکومت، دلته ستونزه داده چې حکومتونه دومره پياوړي شوي، او له بدمرغه ځينې يې له بهر نه تپل شوي چې ولس يې تر ننه پورې له ډېرو کړاونو سره لاس او ګرېوان کړى. زموږ پروګرام به دا وي قدرمنه ولسه، که زموږ سره مو تګ وکړو او زه ډاډه يم چې تاسې به يې کوئ ان شاء الله، موږ به د ولس لپاره کار کوو، موږ د حکومت لپاره کار نه کوو.
زموږ لپاره د حکومت نېږدې پنځه لکه تر يو ميليون څوکۍ هېڅ اهميت نه لري، تاسې وليدل چې په روانه دوره کې د اوسني حکومت تقريبا ډېره انرژي په دغه له پنځو لکو نه تر يو ميليونه دولتي او حکومتي پوستونو کې ضايع کېږي. د افغانستان نېږدې پنځه څلوېښت ميليونه نفوس چې شاوخوا تردې به لا ډېر وي او له بدمرغه چې دا هم د حکومت ستونزه ده چې تراوسه د خپل ولس شمېر لا نه پېژني.
زمونږه تېر او ننني حکومتونو دا وړتيا هم نه درلوده چې خپل خلک وشمېري کنې دا خو پرېږده چې د دوى لپاره څه نوښت وکړي يا څه کار وکړي. ترننه پورې د خلکو بچي چې نوي پيدا کېږي د نننۍ نړۍ له کمپيوټرو او تخنيک سره دوى حتا هغه راجستر کولى نشي، او د شرم ځاى خو لا دادى چې ګوره سره له دې چې مونږ او تاسې په تېر حکومت کې دې الکټرونيکي تذکرو لپاره نېږدې په ميليونونو څه چې ميلياردونو افغانيو سيستم واخيسته، هغه سيستمونه هلته پراته دي خلک پراته دي خو خلکو ته په يوه ورقه باندې چې نېږدې څلور سوه، پنځه سوه کاله مخکې هغسې ورقه خلکو ته ورکول کېده زموږ ولس ته نن هم همغه ورقه ورکول کېږي وايي دا ستا پېژندپاڼه ده.
دا يې لا بله بې عدالتي، ددې پرځاى چې د ولسي جرګې ټاکنو کې د نوي تخنيک، د نوې تکنالوژۍ څخه کار واخلي په هغه څلور سوه کلنو مخکو تذکرو باندې بيا بل زوړ سټيکر ولګاوه. دا ددې حکومت ترټولو ستره نا دوده ده له ټاکنو سره چې موږ يې په کلکو ټکو غندو.
دلته تر ټولو ستره ستونزه د بې عدالتۍ ده، د ټولو ستونزو مور بې عدالتي ده، دلته ځينې واړه واړه پرمختګونه شوي دي، خو د بې عدالتۍ عوج دى، که هغه په حکومت کې دى که هغه له حکومته ديباندې دى. په لکونو هېوادوال شهيدانېږي، ټپيان کېږي، له ستونزو، له بې وزلۍ سره مخ کېږي هېڅ څوک په دې حکومت کې داسې نه وو چې هغه ته وګوري او د هغو غږ واوري، بلکې دا هڅه شوې ده، چا چې دلته جګړه پيل کړې ده هغوى وايي چې موږ جګړه په شپږو مياشتو کې ختموو، خو څوک چې د واک او د قدرت وږي دي هغه وايي موږ پنځه کاله نور د جګړې د اوږدولو لپاره پروګرام لرو. موږ د افغانانو لپاره، د افغانانو په خوښه سوله غواړو، پرمختګ غواړو او سوکاله ژوند غواړو.
که زه د اوسني حکومت يا له دې نه مخکېنيو حکومتونو په ناخوالو باندې بحث کوم، دا به ډېر وخت واخلي او تاسو ټولو ته پته ده ځکه چې تاسې ټول کړېدلي يئ، زما يقين دى چې په دغو ملګرو کې دا دلته چې څوک دي او ما چې څوک اوري، هرومرو د دغو حکومتونو نه په يو نه يو ډول زيانمن شوي دي. او د هغې وجه يوازېنۍ يوه ده چې بې مسوليتي ده. موږ د خپل مسوليت احساس نه دى کړې.
په سياست کې زموږ ترټولو غټه ستونزه داده چې موږ پرديو فلسفو او پرديو تګلارو کې ورک يو، خپل ارزښتونه مو پريښي دي، خپلو ارزښتونو باندې پښې کېږدو د ځينو وړو وړو ګټو لپاره، زما له ټولو خپلو سياستوالو څخه هيله ده چې خپلو ارزښتونو ته پام وکړئ، خپل ولس سره لاړ شئ، زموږ ډېر پتمن ولس دى، دغه تړاکونه چې په دې ولس باندې د هر زبرځواکي لخوا راغلي دي، که بل هر ولس وى، نن به د نړۍ په مخ نه وو، زه خپل ولس ته سلام کوم ســــلام.
ډېره مننه کوم د ګران وياړ صېب نه چې زموږ د ډلې، ټيم يا ملګرو نوم يې واخيست، زموږ نوم دى د مسوليت او عدالت ډله يا ملګري، وياړم پر دوى باندې.
رابه شم ځينو هغه ناخوالو ته چې زموږ په حکومت کې به ورته لومړيتوب ورکول کېږي، ځينو هغه پرمختګونو ته چې زموږ حکومت به ورته لومړيتوب ورکوي. بيا هم ټينګار کوم چې زموږه په حکومت کې هر پروګرام به د ولس سره په مشوره کېږي په خوښه به کېږي. موږ ولس ته، اې د افغانستان قدرمن ولسه موږ تاسو ته غوږ نيسو، موږ ته ووايئ موږ چې هر څه کوو تاسو سره يې په مشوره کوو.
زموږ لومړنى پروګرام به د سولې راتګ وي.
زه اورم چې ځينې ملګري وايي چې خبرې زموږ اوږدېږي، تاسو ټولو نه مننه کوم الله تعالى مو ژوندي لره سرلوړى دې وي افغانستان.
تړاو کاپي کاپي شو
2019-01-20 18:37:34
دا منم چې اشرف غني د ګډحکومت نيم مشر دى، خو راتلونکو ولسمشريزو ټاکنو ته موږ دواړو د يو افغان په توګه نومليکنه کوله، لاندې عکسونو کې ګورئ چې په تالار کې د دوى مخ ته د کمېسيون دريځ او موږ څخه د سپکاوي په موخه د رسنيو د مايکونو انتن جوړول د کمېسيون د غړو ښکاره توپيريز چلند د غندلو وړ دى. ترهغو چې داسې ناوړه چلندونه وي په هېواد کې سوله، درناوى او پرمختګ نشي راتلاى. د کمېسيون پلاوي سره مو سپينې خبرې درلودې چې ناوړه تاريخ بايد تکرار نشي، دوى بايد خپله خپلواکي وساتي او که حکومت له دوى څخه غير قانوني غوښتنې ولري هيله ده خپل ملي مسوليت ادا، او له دندې لاس په سر شي، دوى ته مو يوځل بيا ډاډ ورکړ چې موږ د رڼو ټاکنو لپاره تخنيکي مرستو ته چمتو يو ترڅو کمېسيون د بهرنيو او حکومت د لاس وهنو څخه مخنيوى وکړي.
تړاو کاپي کاپي شو
2019-01-18 18:20:39
ټاکل شوې ده چې د مسوليت او عدالت ټيم د مرغومي په ٣٠، ١٣٩٧ (جنوري ٢٠، ٢٠١٩) د نور رحمان لېوال په مشرۍ د ١٣٩٨ ولسمشرۍ ټاکنو سيالۍ لپاره رسمي نومليکنه وکړي. د مسوليت او عدالت ټيم په ټکټونو کې لومړى مرستيال ډاکټر عبدالهادي ذولحکمت او دويم مرستيال ډاکټر محمد يحى وياړ دى.
